الاثنين، 27 أكتوبر 2008
دع الوشاة = )
كل عام والجميع بخير ولو انها متأخرة
وتمنياتنا للجميع بالتوفيق
أحداث السنة الدراسية التي بدئت مؤخرا فيها الكثير من الأحداث والمواقف الجميلة
ومبروك للمتحدون فوزهم بمقاعد جمعية القانون
ومبروك للمستقلة تنافسها في الكلية
= )
في أحداث يجب ان توثق
لنا عودة لها ان شاء الله
الى ذلك الحين ندعوكم للإستمتاع بالطرب الأصيل
دع الوشاة ==>النسخة الماليزية
بصراحة الفيديو موووووووووووووووصج
http://www.youtube.com/watch?v=Ka6OiZjspZw&NR=1
لنا عودة ان شاء الله
= )
ودع الوشاة
وما قالوا وما نقلوا
:p
الجمعة، 12 سبتمبر 2008
منتدى طلبة الحقوق
حياكم في منتدى طلبة الحقوق
المنتدى منكم وإليكم والمجال مفتوح للجميع للمشاركة بالمنتدى
ارسل عنوان المنتدى لجميع زملائك بالكلية = )
الأحد، 20 يوليو 2008
:: وأخيرا تخرجنا ::
بسم الله الرحمن الرحيم
شعور بعد التخرج شعور غريب جدا
اول شي ما تحس إنه في تغير بحياتك
بس مع مرور الوقت تتغير وايد اشياء
قبل جم يوم فزيت من النوم مخترع حلمان بجدول السنة الياية
وقاعد اتحلطم اقول الله يستر ان شاء الله ينزلون لنا دكاترة زينين حق السنة الياية عقب الريوق استوعبت اني متخرج
الفلم العود
انا مسافر والمفروض اني انسى الديرة والدراسة وكل شي
قاعد من النوم اناقز حلمان اني مومقدم امتحان وماقبلوا الطبية ولازم ارجع الديرة
بغيت ادق على السفريات اقوله ابي اقرب تذكرة حق الديرة
لما استوعبت الوضع
--
طبعا عادي تكون تسولف مع ربع الكلية من الطلبة المستمرين وتقوله انا السنة الياية بدرس من اول السنة وبشد حيلي وبنوت مع الدكاترة لول لما يهفك كفففف يقولك يا الحبيب قوووم ترا انت تخرجت وانت ترتسم على وجنتيك ملامح الخجل وتقوله وييي نسيت اني متخرج
ويخلص الفلم
-
لول
أمنياتي للجميع بسفرة واجازة سعيدة ومريحة تغسلون فيها جبودكم وعيونكم من اللوعة الى نشوفها بكليتها من مغثة الدكاترة وتعب الدراسة
شنو شعورك بعد التخرج
او عقب ماخلصت السنة الدراسية؟
الأربعاء، 16 يوليو 2008
:: هوايتي تميزي ::
وبما انه احنا من بيئة صحراوية قاحلة وبالكويت الطبيعية عندنا عبارة عن صبخة نتيجة عدم الإهتمام
فمصادر الطبيعة عندنا يا كتاب العلوم
فلما نسافر نصير (مينن) من التغير الى يطرأ على عيونا
--
اخذت لي جم لقطة في حديقة للفراشاتب
عطوني رايكم بأحلى صورة
الجمعة، 4 يوليو 2008
:: شكرا من القلب ::
الخميس، 26 يونيو 2008
مبروك النجاح للجميع = )
صباح التخرج
قطعنا وايد عنكم بس لازم ناخذ نقاهة عقب الامتحانات
اشرايكم
ناطرين رايكم = )
الأحد، 8 يونيو 2008
:: وكم لله من لطف خفي ::
و كم يسر اتى من بعد عسر ففرج كربه القلب الشجي
و كم أمر تساء به صباحا و تأتيك المسره بالعشي
أذا ضاقت بك الاحوال يوما فثق بالواحد الفرد العلي
الجمعة، 30 مايو 2008
:: هــــــــــــــــــانت ::
الجمعة، 23 مايو 2008
:: فالكم طيب ::
الثلاثاء، 20 مايو 2008
:: ذكريات ومواقف ::
الأحد، 18 مايو 2008
:: .. نقــــــــــدر .. ::
الخميس، 15 مايو 2008
:: فصبر جميل والله المستعان ::
أتهزأ بالدعاء وتزدريه *** وما تدري بما صنع الدعاءُ
اخوي الله يسامحك على ذكرياتك الى يبلها علبتين كلينكس بصراحة المفروض اداوم بسدرية صج صج صج شكلك محسود لاسمح الله او وقتها كنت متسحر شي أثر عليك وان شاء الله تكون بقية ايامك بالحقوق حلوة وكلها نجاح وسعادة ومافيها كل هالبلاوي الله يحفظك من الشر ومن المرض واشوه اني ما اسفط بمواقف الطلبة عشان ما اشوف لوحاتك الفنية الى مخليها حق الطلبة الله يسامحك بس : - ( كان ودي ما انشر الرسالة بس موبيدي هذي ذكرياتكم لحد يلومني )
---
وصلنا اهداء فيه تصميم للبلوق
وهذا التصميم الثاني
--
في دكاترة يحبون يذلون الطالب والعياذ بالله
يعني قبل جم يوم دكتور حط اعمال السنة
راحله واحد من الطلبة وقاله اتمنى تزيديني وشرح له اسبابه
وقاله دكتور انت وعدتني وانت وانت وتقوله دكتور من اول السنة قلتي لي او وعدتني وبالاخير عقب حنه ورنه زاده شوية مو وايد
عقب جم يوم الدكتور شاف هالطالب جان يقوله تصدق ياريتني زتدك اكثر لاني زدتك شويه
يعني خير نعم شسالفة !!!!
يعني جنك قايلة لو حنيت علي اكثر جان زدتك او لو ذليت روحك اكثر يمكن كنت زدتك بس انت ما ييتني وانا مازدتك والقهر لما يقولك ترا انا زايدك من عندي يعني يظلمك ويقولك ترا انا الى متفضل عليك ولا انت اصلا من الاول ماتستاهل
الله يسامحهم و يعجبني الى يعز نفسه وما ينزل من قدره وايد جدام الكل ومثل ما قال الموسيقار محمد عبدالوهاب (( لأ مش انا الى ابكي ))
سمعوها وقيسوها على حالكم مع الدكاترة http://www.6rbtop.com/library/resources/Mo7ammad_3abdulwahab/Collection/listen/21070_hi.ram
وغنتها الست ماجدة الرومي
تسمعها وانت تذكر وتقول حسافة اني ماخذ عندك يادكتور ولا افكر اني اخذ عندك مره ثانية وانا الى غلطان اصلا والشرهه علي اني صدقتك انك راح تساعدني, المشكلة لما طول السنة الدكتور يمدح فيك او يوصلك السما بس بنهاية السنة ينعفس وجنه ما يعرفك ويقولك انت كنت تغيب وانت ماتشارك وانت وانت وانت توقف جدامه مبلم حدك وتقول بقلبك وين حجي اول السنة والتمدح طلعت بس حجي واخرتها تقلها علي طبعا وقتها شتسوي انت بس خلوها على الله ياجماعه مثل ماقلت لكم وابشروا بالخير ان شاء الله
واستماع موفق
http://www.6rbwow.com/media/listen/6rbwow_6819.ram---
اخيرا يا ناس بنتخرج ادعوا لنا = )
الثلاثاء، 13 مايو 2008
عظم الله اجركم
عظم الله اجركم بوفاةالشيخ سعد
بالنسبه للإختبارات