بسم الله الرحمن الرحيم
تمثل هواية التصوير
هواية نسيتها من زمان واهملتها
وبما انه احنا من بيئة صحراوية قاحلة وبالكويت الطبيعية عندنا عبارة عن صبخة نتيجة عدم الإهتمام
فمصادر الطبيعة عندنا يا كتاب العلوم
او لما نطالع تلفزيون
او لما نسافر
فلما نسافر نصير (مينن) من التغير الى يطرأ على عيونا
فلما نسافر نصير (مينن) من التغير الى يطرأ على عيونا
--
صحيح انه كليتنا صعبة ودراستنا طويلة
لكن لازم كل واحد يكون عنده هواية
كلمنا عن هوايتك وشلون اطورها
او اعرض لنا جزء من اعمالك عشان نقيمها
واذا ماعندك هواية ؟!
ما سألت نفسك ليش ماعندي هواية تقضي فيها وقتك ؟
--
اخذت لي جم لقطة في حديقة للفراشاتب
صراحة وفقت في جم لقطة وعجبوني وايدفقلت نعرضها لكم
عطوني رايكم بأحلى صورة
عطوني رايكم بأحلى صورة
وشنو أحلى فراشة ؟
---
بالمناسبة
شلون الصيفي ياجماعة ؟شدو حيلكم مابقى شي
شسالفة الدوام السنة الياية
كاتبين بالجريدة انه ماراح يتأجل لي عقب رمضان؟
شنو بيداومون بالعشر الأواخر ولا شنو ؟
هناك 9 تعليقات:
واخيييرا موضوع يديد .. :)
الموضوع حلو ويا بوقته لان احنا بعطلة والكل تقريبا يقدر يمارس هوايته :)
لان مثل ما انتوا عارفين احنا طلبة حقوق وما نقدر نرفع راسنا من شهر 11 لين شهر 6 .. وعلى هالموال كل سنة ..
وهواية التصوير حاليا صارت هواية العموم .. وكلمن يتحدى الثاني بشنو صو واشكثر صور.. لان التلفون بمتناول الكل وما يحتاج كاميرا ..
وشكرا على الموضوع اليديد :)
السلامـ عليكمـ
أول شي ..
ما شاء الله الصـــــــور حدددددددددددها روووووووووووووووووووعة ..
وبالنسبة لهوايتي ..
أنا أحب التصميمـ والتصوير ..
بس ما حاولت أطور نفسي بالتصوير ..
أما عن دوام الصيفي .. =S
اللـــه كريمـ .. هانت ما بقى شي ..
=)
ااااااي نسيت اقولكم عن هوايتي
احب اكتب خواطر..
واذا لقيت تفاعل مع الموضوع بحلطكم [جم وحدة وانتوا قيموها :D
اما شلون اقدر اطورها ..
لازم اقرا وايد عشان ازيد مفرداتي واقدر العب بالتعابير :)
والداوم ؟؟ وما ادراك ماالدوام ..
والله اهم ما يدرون شيسوون فينا ..
اهم يدورون شنو اللي يغثنا ويقرونه ..
قاعدين يلعبون بالاوادم .. ناس تقول جذي وناس اتقول جذي
وعموما مجلس الوزرا قال دوام الطلبة نص رمضان :(
وما يندرا شسالفة احنا الفقارة ضايعين بالطوشة :S
في الصفحة اللي قبل كاتبين آخر تعليق مبرووك لكل 205 هل تقصد أو تقصدين دفعة 2005 ؟؟ و ليش مبرووك ؟؟ في شي صاير ؟؟
اتوقع يقصد مبروك التفوق =)
السلام عليكم ... الصور وايد حلوه و عن هوايتي بصراحه انا ما عندي هوايه الا النوم بس لوووووووووووووول ..... وعن الصيفي بصراحه انا اول مره اخذ صيفي و انصدمت منه لان كل ما سألت احد قال حدا خفيف و انا حسيته ثثثثثثثثثقيييييييييل و يلوع الجبد بس هانت ما باقي شي
الله ياني ولهانة عالبلوق :)
تسلم إيدك الصراحة ..
عن نفسي .. وايد أحب القراءة والكتابة
أعشق كتابة الشعر والخواطر
ودي أشارك بفعاليات الجمعية وأنزل كتاباتي بس أستحي "^^
وبنفس الوقت وايد بخاطري أنزل كتاب بالسوق .. وهم أستحي "^^
.
.
حيل أحب القراءة ..
أي كتاب يطيح بيدي أقراه
وعموما بالصيف قريت وايد روايات ..
وهم قريت كتب عن تطوير الذات وتنمية المهارات :)
.
.
وووو سلامتكم :)
شكرا عالموضوع ..
لكم القرار
هواية التصوير صارت عند العموم صح وهذا شي زين بس لازم الواحد يطور هوايته ما يظل بس يصور بالتلفون لان هذا أقل من انه احنا نسميه هوايه
-----
السند
ثانكس
الصور من كاميرا كانون G9
بإستخدام المايكرو طبعا
بخصوص الهواية
التصميم والتصوير هوايتين يكملون بعض او وحدة اطور الثانية
بس لازم اتابعين دروس التصميم و التصوير الموجودة على الانترنت لأنها مفيدة جدا
-----
لكم القرار
الكتابة مثل ما يقولون أفضل وسيلة للتعبير
كيييب قوووين
وبإنتظار شي من كتاباتكم
بالنسبة للصيفي
الله يعينكم ان شاء الله
---------
ba6ooo6a
القراءة شي وايد زين والكتاب معلم الانسان الاول
شنو الروايات الى تقرينها؟
عن نفسي
معجب جدا بروايات
باولو كويللو مثل الخيمائي والزهير وساحرة بورتبيلا
بالاضافة الى روايات
امين معلوف
وهو من أفضل الروات العرب اسلوبه رائع جدا ومتمكن لأخر درجة
وحاليا سأبدا بروايات أحلام مستغانمي
فوضى الحواس
ذاكرة الجسد
بالتوفيق للجميع = )
السلام عليكم ورحمة الله وبركاته
الموضوع جا بوقته ...
والصور ما شاء الله تدل على مدى تمكنك بالتصوير.....
كلها حلوه بس اعجبوني اكثر شي رقم 1 ,2, 7, 8 لان الالوان فيها كانت متجانسه خصوصا رقم واحد اشلون كانت الخلفية تحتوي على لونين الاخضر والاوردي وبنص الفراشه بارزه مختلفة عن الوان الخلفية ..... يعني روووعه
اما بالنسبه لي فانا الحمدلله عندي هوايتين وانا اعدهم موهبه من الله
الاولى : الرسم... فانا اعشق الرسم ومأذيتهم بالبيت بالواني ولوحاتي وخرابيطي.. :)
والثانية : كتابة الشعر باللغة العربية... وغالبا النثر
واعتبر ممارسه الهواية اهم شي لتطويرها ...
صح ان بعد ما دخلت الكلية قلت ممارستي لهواياتي وانعدمه
بس قررت هالصيف ما يخلص ان شاء الله الا ومخلصة جم لوحة ...
حسافه ما اقدر اعرض لكم لوحاتي ....!! ما ادري اشلون اعرضها ....؟؟
اما بالنسبة للشعر فمحتاره اي قصيدة اكتبها لكم..!!
ولان كل القصائد طويلة ...
مع تمنياتي للجميع باحلى الهوايات وانفعها....
إرسال تعليق