بسم الله الرحمن الرحيم
تختلف ثقافة الفرح من شخص الى آخر
وتتشكل احاسيس الانسان طبقا لموروثاته وتنشئته وماتعود عليه
فالجانب الاكبر من المشاعر والاحاسيس والإنفعالات
هي نتاج الانسان وحده
--
اي أن الفرح والشقاء هو بيد الإنسان لا غيره
والتخيير والتسيير في هذه الدنيا والقضاء والقدر أمر شائك جدا ومعقد ويقع
في اللبس العديد من الأشخاص
ويكون القدر هو شماعة اخطائهم واخفاقاتهم وهو الامر الخاطئ
--
فأنت مخير وبيدك سعادتك
فعلام الهم والحزن !
لدرجة ضاعت أو تقدير سيئ في مادة دراسية؟؟
ان كنت بذلت الاسباب جيدا فهنا تستطيع القول انه هذا قدرك ولا تكتفي بالقول هذا وفقط بل تعمل على تعويض مافاتك
وإن لم تبذل الاسباب فإيـــــاك واليأس من وطنك:p
أقصد إياك وان تحمل القدر أو الآخرين نتيجة خطأك واهمالك
--
-
وتأكد أنك لست في حاجة لأن تقنع الناس جميعا بنجاحك بل أنت بحاجة لان تقنع نفسك فقط لتتحول لشخص واثقا من نفسك تحوز الدنيا بمافيها من نعم وخيرات وتسخر القدر والقضاء والدنيا بما فيها من أجل فائدتك
حتى لا أطيل عليكم
رسالة احب ان اوجهها للجميع
انت تتحكم بالمواقف وبحياتك وليست حياتك تتحكم بك وان خرجت حياتك عن السيطرة فالوقت في صالحك لإعادة الامور لنصابها
--
-
هناك قاعدة جميلة ورائعة وغيرت حيات العديدين تحت عنوان تسعين عشرة
والتي تنص على ان 10% من الحياة تتشكل من خلال ما يحدث لنا ، و الـ90 % من الحياة يتم تحديدها من خلال ردود أفعالنا
تفاصيل القاعدة هناك
---
-
للمهمومين من الاختبارات ومن لغط الحياة وصخبها
هناك كتاب رائع بل اكثر من رائع للشيخ عائض القرني
تحت عنوان لاتحزن
جميع فيه قواعد الشرق والغرب من الاولين والمتقدمين من فنون وعلوم مدعمه بسيرة نبينا الكريم
الكتاب ينزل على المهموم كالماء الزلال بعد مسير أيام في صحراء قاحلة
نصيحة للجميع وبلا استثناء هالكتاب راح يغير الكثير بداخلنا
فسيخلق ثقافة فرح عارمة تحول من خلالها المحنة الى منحة
بفن وتدبير ذكي
تجدون بعض فصول الكتاب هنا
-
---
فنحن طلبة قانون من الاولى ان نكون على فهم ودراية كاملة بمختلف الفنون والعلوم
فالقانوني متميز و جوكر
أينما وقع نفع ولكن عليه تثقيف نفسه وتطويرها وعدم الاكتفاء بالمعلومات النظرية
والمستقبل المشرق بإنتظار الجميع ان شاء الله
فلا تيأسوا ولا تقنطوا من رحمة الله واكثروا من الدعاء
فما يرد القضاء الا الدعاء
تمنياتي بالسعادة للجميع واقم الصلاة = )
--
-
انصدمت لما قالوا لي عن امتحان ميراث
بصراحة الدكتور حده حده بدع
الله يسامحه وربي بيعوضكم ان شاء الله
اهداء لكم عقب الامتحان
--
سنة ثانية
الله يسهل عليكم المالية ان شاء الله وانتوا قدها واقدود يا عيال الحقوق
يا حلاتك والله يا جوجو= )
--
سنة اولى
لا تسولنا نفس هذيل الله يهديكم بس
شدوا حيلكم وترا الحقوق حلوة وسنة اولى سهلة لاتلطمون علينا من اول سنة ترا وراكم درب توه الناس على اللطم :d
--
في وايد ناس بالردود يقولون : واي الحقوق كليتنا كلها عقد
اول شي ترا صج كليتنا قوية بس بابا احنا ندرس بجامعة الكويت ليش تحسسونا انكم عبالكم قاعدين بهارفرد ولا اكسفورد وهالمناظر تسبب لكم تلوث بصري اقول ترا كليتنا اشزينها ومهما كان تبقى عزيزة علينا ...<عزيزة منو مو هذي المصرية الى بدرب الزلق؟
مادري المهم حمدوا ربكم وشوف الذرابة على اصولها اهني
يازينهم زيناه صج حمدت ربي على كليتنا
---
الى مارسوا حقهم الدستوري بالتصويت
اهداء لكم
نشوفكم على خير
--
وفالكم الامتياز
هناك 54 تعليقًا:
كلام حلو وجميل وبوقته ..
لان في ناس من شغلة وحدة خلاص عبالهم يتحدد مصيرهم وتنتهي حياتهم ..
ما يدرون يوم لك ويوم عليك ..
مهما الانسان سوا وتوقع نتيجة حق اللي سواه .. واقتنع فيها واستانس فيها ولا تضايق منها .. بقدرة قادر كل شي يتغير بغمضة عين ..
فيعني اللي بسنة اولا .. كل ما يطلعون من امتحان يقعدون يسوون افلام .. اقولهم ربكم كريم .. والله رايح يصير معدلكم رقم ما اتوقعونه .. بس الله يبي منكم تبذلون الاسباب .. وبس ..
اما اللي بسنة ثانية .. كل امتحان يطلعون منه تصك فيهم الدنيا .. اقولهم ترا الدنيا ما تسوى وحدها تساهيل بس انتوا هونوها واتهون
واللي بسنة ثالثة لا تعليق :)
وسنة رابعة .. ما نقولكم الا الله يوفقكم ..
واخر شي ودي اقوله لكم .. اللي اتعيشونه الحين مجرد امتحان دنيا .. فلا تشيلون هم وايد ..
وبس موفقين خير ان شالله
يعطيك ألف عافية على هالبلوق و الله محد حاس فينا الا انت لووووول
انشالله انشوفكم تتخرجون 2004 ما نبيكم تسقطون . بس والله اتعودنا عليكم ما اتخيل الكيلة بدونكم .
و سنة ثالثة و ثانية وايد امبدعين فينا . انا مادري اشفي الدكاترة علينا . مواد والله سهلة و عادية ما يبيلها كل هالتعقيد . بس الدكاترة امسوين المواد مواد تعجيزية .
انا درجتي بأعمال السنة الحمدالله زينة بمادة ميراث . بس شكلي بسقط من امتحان الفاينل . شنو هذا اشدعوا جذي امخلي الامتحان صعب !
و انا سمعت ان سنة ثانية بامتحان اداري امصعبين عليهم الامتحان . ليش !! شنو بايقين حلال أبوهم ؟
وينكم سنة أولى و رابعة ؟ كلش ما نسمع عنكم خبر ! طمنونا شمسوين بامتحاناتكم .
حرام على الدكاترة وايد قاعدين العبون فينا لعب . مادري شنو هدفهم ! يعني قصب بسوين نظامنا مثل الطب و قصب بخلون كليتنا صعبة علشان التقول الناس الحقوق اصعب من الطب ؟؟
شهالتخلف ! صج دولة عالم ثالث .
انا مرة شفت مواقع جامعات بريطانيا و شفت مواد طلبة القانون عندهم . والله ترا اهما ما يخذون ربع الي احنا ناخذه . و المواد الي احنا ندرسها ترا مواد دراسات عليا عندهم .
يعني لو احنا دارسين قانون في بريطانا احلى و اسهل و اونس و نقوي لغتنا . بس ما اقول الا الحمدالله على الي احنا فيه .
كلمات منمقة وعبارات رائعة مليئة بالتفاؤل ..
يزاك الله ألف خير ..
وبالفعل لو فكرنا تظل هالامتحانات امتحانات دنيا فانية..
ما تسوى نضيق خلقنا على درجة ولا درجتين ..
الأهم إن نريج ضميرنا وندرس ونجتهد وخلاص الباجي على الله ، واللي ربي كاتبه راح يصير يعني ما راح نقدر نغير شي ..
واللي حاسين إنهم مظلومين صدقوني حقكم ماراح يضيع بالدنيا ولا بالآخرة ..
وبالنهاية تفاءلوا بالخير تجدوه ..
اختيار موفق للكتاب ( لا تحزن ) فعلاً كتاب رائع ..
موفقين ..
والله يسهل عليكم، ويكتبلكم أعلى الدرجات في الدنيا والآخرة ..
حقوقية 2005 =)
شكرا" لك أخي الكريم على هذا الموضوع ...
بالفعل إنه كلام يحمل في طياته روح التفاؤل و حب الحياة، و خاصة للمهمومين و القلوب المتقطعة من هذه الحياة ، فإلى كل من جعل الهم غطى قلبه، و إلى كل من سالت دموعه التي غسلت هدبه ، و إلى من سأم من هذه الحياة لما الحزن و السأم؟؟
والله تعالى يحفظكم يعينكم و يحميكم...
أأفادكم حزنكم معذرة" !!
أأعاد الحزن أمانيكم!
هل لما قطبتواجبينا"
جاءتكم الفرحة تحدوكم ...
ثقوا بالرحمن و لا تقنطوا ...
فقنوطكم ذنب يرديكم...
و ارفعوا كفيكم و لا تظنوا أن المعطي لا يعطيكم...
قولوا يارباه أيا سندنا ...
قد جئناك بقلوب تدعوك ...
فاكشف ياربنا كربتنا ...
و ارفع بلوانا حنانيك ...
و أنلنا مبتغانا و كن معنا ...
فالخير إلهنا بيديك.....
مع خالص تحياتي :
أختكم / ذكريات عابرة
دمتم برعاية رحمن رحيم
هذا الفيديو اهداء مني لكم :)
لوووول
http://www.youtube.com/watch?v=RqAXZ2OGZ9w
الصرااااااااحه شكر كبييييير لصاحب البلوووق
لان صار متنفس لنا نعبر فيه عن مشااااعرنا
ونقووول بصرااحه عن الي مضايقنا
اتمنى لكل الدفعاااات التوفيق والنجاااح
وبحنن قلووب الدكااااترة علينا وتنعمي عيونهم على الابدااع والتشير الي كاتبينا
ويااخيييي من وين تييب مقاطع الفيديو
لوووووول
ابداااااع
شكرا على البلوق العجيب حده
وهذا اهداء لسنة رابعة
احس راح يصيرون نفس طارق العلي لول اذا ما تخرجوا
http://www.youtube.com/watch?v=I6qf7bUXeMI&feature=related
لكم القرار ليش لا تعليق غلى سنة ثالثة عشان احنا من قلب مظلومين؟؟ ترى هالشي يزيد حرتنا والله وقهرنا باطين جبدنا عالدكاترة على هالامتحانات المليقة شنو هذا
المحذوف من مادة تجاري 1
الكتاب الأول :
ص 28
من 122 الى 161 ,من تلخيص الدكتور
من 242-245 قراءة
من 250 محذوف الى نهاية الكتاب
الكتاب الثاني:
70- الى 78 (الفرق الثاني معانا)
197 قراءه
324 الى 330
ص 342 المطلوب بايجاز
355 الى 366
529 الى 334
انا حيل لايعا جبدي و مالي نفس ادرس تجاري من احباطات امتحانات الي طافت :(
اي لا تعليق على سنة ثالثة لان مادري شقول عنهم .. مو مترقعين ..
بس ربكم كريم ..
وموفقين بتجاري
سنه رابعه و ما ادراكم ما سنه رابعه
اليوم امتحان تنفيذ حده أكشن الأمتحان غريب عجيب أحس الدكاتره كانو يتغشمرون مو من صجهم انا أخنقتني العبره:..(
صج تعبت اليوم من الإمتحان لي يييت حق القضيه ماتنحل و المقالي أول مره اشوف مقالي ثلاث أسأله مون عنه يعني اكو حجي تكتبه و كلهم نفس الموضوع أكتبه كذا مره
الله كريم
أبي أتخرج :(
امتحان مالية بعد 12 ساعة :(
ادعوا لنا يا جماعة....
تنفيييييييييييييذ وما ادراك ما تنفيذ !!!!!!!
اخا ماده تزفيت وليس تنفيييييذ
اهئ اهئ
لاعت جبدي من المووووواااااد
اي شي المقالي محدده الدكتوووور لنا وهم مو نفسه يانا
مادري من وين يايبين المقالي
الله كرييييييييم
ان شاء الله ما يصلحون الامتحااان
خخخخ
اشرايكم نحتج على الكليلتنا ؟
ترا انا من صجي مو غشمرة .
والله العظيم زهقنا من هالكلية ز من نظامها و دكاترتها ! لازم نحط حد هالمهزلة . خو احنا مو حيوانات عندهم كل دكتور يتحكم فينا على مزاجه .
واحنا ما نبي شي و بس نبي اصير حالنا من حال باقي كليات الجامعة . ليش احنا كله غير عن الاوادم ! ليش فوق راسنا ريشة !!!
lesh ma7ad yaktib ?
احب اقول حق دكتور فيصل الفهد مشكووووور وايد على حل القضايا معانا والمراجعات الي سويتها لنا اليوم يابت نتيجة حلوة بالامتحان ويعطيك الف عافية اليوم تعبت وايد... واقول حق الشباب زين تسوون بالدكتور الغثيث ماني قايل اسمه الي يعامل الطلبة بالامتحان جنهم خدم عند ابوه زين تسوون فيه كل امتحان قولوله نبي الحمام فكونا من ويهه وان بعد شكلي بصير معاكم المرات الياية انشاالله اذا ما صار ادمي وتسنع وصار سيده حاله حال باجي الاوادم والا انا له
تقصدين محمد العتيبي ؟
اهو خوش دكتور بس صج اهو جم مرة زافني بالامتحانات .على وقت الامتحان .شنو انا سايق أبوه !!
انا واحد وما اقصد محمد العتيبي يا اختي دكتور محمد محترم وما عنده احد اقل من مستواه انا اقصد دكتور ثاني الله يهديه قبل ما يشوف شي عمره ما شافه واخليه نكتة للطلبة واعلمه شغله اخليه يتعامل مع الطالب عدل
يبا قول اسمه عادي ;)
اسف مابي اقول الاسم لاني مابي افضحه واخذ ذنبه وابتلش فيه يوم القيامة على هالاشكال لووووووووووول
وبعدين بصراحة مااعرف اسمه والله
خوش بلوق
وأحسنت الاختيار
فعلا كتاب د.عائض عجيب :)
.
.
اما اليوم امتحان مالية .. فلم لووول
حرام عليهم ليش جذي ؟
الحمود طيب وحليو بس ماقط حل معانا مسألة سنعة !!
وشرحه الله بالخير هذا إذا شرح بالأساس !!
اليوم الامتحان .. صدمة لطلبة الحمود
مابي أعمم عالجميع ، بس الغالبية العظمى بدعت بس مو كثري طبعا لوول
الامتحان شنيييع والقضايا والمقالي لا تعليق !!
المادة سخيفة والامتحان أسخف
الله يستر ، وانشالله يخفون إيدهم بالتصحيح
ماصارت جد .. كل امتحان أشنع من الثاني لوول
ادعوولنا !
= )
عندي اقتراح للجامعة ليش ما يحطون قانون يمنعون الخوات الي يراقبون بالامتحان انهم يلبسون كعب ويتفرفرون بالكفتريا ترا راسي صدع منهم وانت تمتحن ومركز وهدوووء فجأة والا تسمع جك جك جك والا الاخت قاعدة تدور يعني دير بالك ان ياية مو تغش والا عاد الدكاترة الي بعضهم تحوشه حالة من الذرابة الزايدة باوقات الامتحانات لما يوزع الاوراق كل ورقة ساعة تقعد بايده ليييييش هالبرود هذا طبعا بداية الامتحان بس خل يخلص الوقت تلاقيه يتحول صاروووخ يتسابق اهو الدكتور الثاني منو يسحب الورقة قبل والا عاد محد يكسر خاطري غير الهندي مال التواقيع المسكين يزرعونه ساعة على مايحلون بعدين يفكرون يوقعون ويعطونه الورقه وفي بعد عندي اقتراح ليش ما تحسسونه بقيمتنا وتوزعون علينا عصير وجاي وقهوة بيوم الامتحان بدال الماي؟؟خوش اقتراح عدل على فكرة هذا الاقتراح قاله لنا دكتور خليفة الحميدة الله يذكره بالخير بسنة من السنين لكن لحد الان ما تطبق مع الاسف
طلبة سنه ثانيه اليوم اشرايكم بامتحان ماليه؟
انا الصراحه عندي انه صعب بس مو تعجيزي لأنه كنا متوقعين اصعب من جذي بس هم بدعنا يله الحمدلله على كل حال بس انشالله يساعدونا
عاد دكتور فيصل حدددده طيب انا اتوقع ماراح يخلينا
وحرام ترى دكتور محمد العتيبي حده طيب ومحترم احسه جنا ابونا اينن
الامتحان كان سهل مو صعب وايد لان دكتور فيصل كان يحل معانا نفس المسائل كل يوم تقريبا وسوالنا اكثر من مرة مراجعة وعطانا الحل بالتفصيل وحط نفس المسائل بالموقع وسوا كوزات نفس الشي بس طبعا الارقام مختلفة فاتوقع ان اغلب طلبة دكتور فيصل حلو القضية عدل اما طلبة الحمود على كلامهم ان من اول السنة ماحل معاهم الا مسالة او ثنتين فيمكن تكون صعبة عليهم.......... اهنيه يبين دور الدكتور وضميره عاد
الصراااااحه رايي بالامتحاااان ان زوووين
العملي واااايد زين وحليت عدل لان توقعت اصعب
اما النظريييي فسلاااماااات
وااايد بدعت
والصرااااحه ماتوقعت ان الامتحااان كل اجبااري ليش شنو مسوين لهم
واليوم المراقباااات بدعوووو ماتسمعون الى وحده تتكلم عن عيااالها والثانيه تضحك ويعني محترمتنا قامتتها
جذي قامتتها عيل شلون اذا ضحكت
عادي
يااارب الدكاتره يزيدوووونا درجااات ويخفوون ايهم بالتصحيح ويعميهم عن القسم النظري ويحطووون لنا فول مارك
شنو المحذوف باحوال؟؟؟؟؟؟؟؟؟؟؟؟؟؟؟
شراايكم اليوم بامتحان تجااري
انا اشوف ان الحمدالله كان اهون من الامتحانات الي طافت واسهل ...
صج اني زفت اب سؤالين . بس الحمدالله الامتحان كان معقول . مو مثل الامتحانات الي طافت جنا قاعدين اب غزو
الله يعطيهم العافية دكاترة تجاري بما فيهم الحيان و الكندري . اشكرهم على الامتحان ما صعبو علينا :)
المحذوف بأحوال وايد فقرات...
لازم تروح/ تروحين مركز التصوير أحسن لأنهم ثلاث أوراق أو أحد يصورهم :)
بس ضروري تاخذهم قبل ما تبلش دراسة عشان لا تدرس شي مو معانا...
شكرا يعطيج العافية
صح صح انا مع الأخ الي معترض عالكعب ..
شنو هذا !!!!! ينرفزووون !!!!
انزين عالأقل بس بأيام الفاينل لا تلبسون كعب @@
ترى مو زين حق الظهر والله ...
فريتوا روسنا واحنا نحل .. كل ما كتبنا كلمة طلعت لنا طك و الثانية طك والثالثة طك .. وبعدين !!!
و نصيحة .. اشتروا بطول ماي قبل ما تدخلون .. محد يحس فيكم الا انتوا :d
وعليّا عالحقوقيين !
امتحان تجاري اليوم احسن امتحان حليت فيه بس هم عندي اغلاط بس الحمدالله احسن من اي امتحان ثاني ويعطيهم العافية الدكاترة .. بس يخفون ايدهم علينا بالتصليح واحنا بخير
معدلس راح ينخفس هالسنة . من بعد ما كان معدلي بالثمانينات راح يصير بالسبعينات :(
حسافة على التعب بس !!
كل الامتحانات خرتها ما اكو امتحان معقول غير تجاري . الي همن بالتجاري عندي جم اجابة خطأ .
السلام عليكم ورحمة الله وبركاته
لنبدأ بتحيت الاسلام اولاً....
رسالتي هذي تعليق على الرسالة الاصلية
نأسف للتأخير (لضروف الدراسة وانتم اعلم بها)
حيث شدتني الكلمان الرائعة والمنمقة التي تدعو في فحواها الى التفاؤل والرضا بالقضاء والقدر اعجبتني الكلمات المستخدمة بل اعجبتي الرسالة كلها ......جزاك الله خير على هذه الدرر...
حيث انها جاءت في وقتها ونحن الطلبة في امس الحاجة في هذه الايام الى مثل هذه الكلمات الدافعة والمشجعة ....
وانا اضم صوتي لك بدعوى الى التفاؤل
تفاءلوا...
واجعلوا ردود افعالكم مدروسة بعض الشيء
بل اجعلوا الابتسامة هي الرد المباشر لجميع الامور ... وهذه تجربة شخصية ووجدتها ناجحة...
وعدم تضخيم الامور والمبالغة فيها..
في الختام الدنيا عابرة وماهي إلا اختبار.....
...تمنياتي للجميع بالنجاح والتفوق...
السلآم عليكم يعطيك العافيه أخوي صراحة خوش متنفس حق طلبةأصعب كلية بالعالم بأسره عشان جذي أنا من دشيتها صرت عاقدة النونة، أنا عندي كلام شكثرررره بس بأجله لي بعدين لأن ألحين عندي استفسار مهمممم: ألحين أنا سنة أولى و بسم الله من دشيت هالكلية و أنا مخترعه كل اللي حواليني أمهات قلوب و أهلي مو مقصرين كلهم ماكلين الكتب و أنا الوحيده اللي قلبي فضيخ المشكلة ألحين إني مادرست حق الفاينل كنت مسافره :( أصول و دستوري كلللش ملللش ما فجيتهم و أنا كنت متوقعه درجاتي بأعمال السنة حضيض و انصدمت إنها حلوه و ما كنت أحلم بنصها أصلا،بس اكتشفت متأخر و درست للمادتين بالوقت الضايع علّ و عسى أنجح لكل أقص إيدي خاصة أصول لأني طلعت قبل لا تخلص أول ساعه من الامتحان و بدون لا أحلّ شي بس عشان أضيع الوقت نسخت الأسئلة من ورقة الأسئلة لي ورقة الإجابة> كفــوو .. و دستوري ألفت قانون جديد على العالم إن شاء الله سيرى النور قريبآ مع إعلان النتائج و تبشيري بأني ساقطة على وشي و اليوم قدمت شريعة حددده حددده وناسه لأني حليت تمام التمام بس شعقبه؟ السؤال يا محافيظ السلامة ألحين شرايكم أتعمد أسقط بالاقتصاد عشان أعيد السنة و أشد حيلي و أجيب نسبة سنعة و تشرّف؟ و لا أشيل الخوات أصول و دستوري معاي لي ثانية و معاها نسبة تفشل .. مشكلتي استخرت مليون مره بس ما قررت !! و سألت شكثر بنات يقولون إذا عدتي أصول ما تاخذين التزامات بس ماندري إذا عدتي دستوري شيصير واي يا حظ اللي بالتربية ماشاء الله
(( حطين هالرد من قبل بس طنشتوني يمكن لأنه في بوست قديم ))
أول شي شنو يعني اصول و دستوري ما فجيتهم ؟؟ عيل ليش ممتحنة ؟ ثاني شي بما ان أعمال السنة زينة هذا دليل انج فاهمة و زينة بالمادة يعني على الاقل حتى لو انج مو دارسة تقدرين اتألفين ...
و سالفة اتعيدين السنة ماله داعي اتضيعين على عمرج سنة على الفاضي بس تقدرين اذا كنتي يايبة اعمال السنة زينة و كنتي اشوي حالة بالفاينل يمكن يعطونج تكميلي يعني اتعيدين الامتحان بس ( مثل الدور الثاني يعني ) و ماله داعي اتعيدين المادة من يد و يديد ، على الاقل شدي حيلج بالتكميلي و المواد الثانية ، و انشالله اتييبين معدل زين ... و اللـه يوفقج
هذا اجابة حق الأخت( عاقدة النونة )
اذا سقطتي بالدستوري ما راح يأثر على مواد ستة ثانية . بس اذا سقطتي بأصول راح يأثر على الالتزامات .
و انا نصيحتي لك . انتك اتحولين من الكلية . مو علشان أحبطج . انا اقول جذي لمصلحتج .
لأن اذا انتي مو مترقة بسنة أولى ما راح تمشين في بعدين و راح اظيعيين سنين على عمرج .
بعدين علشان تروحين سنة ثالثة لازم يكون معدلج 70 و فوق و لا اتعدين ثانية . و علشان تتخرجين لازم معدلج يكون 70 و فوق .
فأنا انصحج انت اتحولين من الكلية قبل لا تظيعين سنين على عمرج .
البلوق صار فاضي =(
ليش محد قام يكتب شي ؟
تنزين اشلون اخر امتحاناتكم =) ؟
بااااااااجر احواااااال الله يستر منا
مبين الامتحااااان كله اجباري
ياجمااااااعه ركزوا على الادله الشرعيه
وبالتوفيييق انشاالله
سنة ثانية حمدوا ربكم مادة أحوال ترا وايد امسهلينها عليكم . كتابكم اظعيف و كميتكم وايد اقل من الي احنا درسناه سنة الي طافت .
انت بس حمدوا ربكم ان سعود الربيعه مادرسكم .
فشدوا حيلكم بهالمادة . لا تزفتون .
شكرآ للي جاوبوا على أسئلتي بس تحويل مستحيييل أحول و الله لو أعيد السنة أرحم من التحويل أحب الحقوق و ما راح أطلع عنها و بشد حيلي و أصلآ أهلي مو راضيييين أحول غصب علي أكمل ، ألحين أتوقع أدش دستوي تكميلي لأني حليييت و كتبت و أسهبت بس أدري نص الإجابات غلط و أصول مستحيل متأكده بعيدها لأني ما حليت شي طالعت الورقة شوية و رديت سكرت ورقة الإجابة و قعدت أنطر الوقت يخلص لما الدكتور قال لي حلي نسخت الأسئلة لي ورقة الإجابة > عشان أضيع وقت بس صج و الله انسبهت من الأسئلة و أنا ما كنت دارسة أصلآ الله يعين و يكتب اللي فيه الخير ودي أعرف يعني لو شلت أصول معاي و مشيت تمام فيها و فباجي المواد مستحيل نسبتي تتعدل ؟ و متى آخذ التزامات ؟ و أتأخر بالتخرج ؟ لأني إذا بتأخر بالتخرج أعيد السنة أفضل و بعدين أنا ما وراي شي سنة وحده ما راح تذبحني ..
لا لا انشاللـه ما راح تتأخرين ، لأن بشكل عام أصول متطلب حق التزامات و التزامات متطلب حق عقود و بس ، يعني بالمختصر المفيد ان اذا خلصتي ثالثة راح تأخذين معاج بس مادة وحدة من ثالثة ألا و هي عقود مدنية اللي اهيا ما تعتبر متطلب حق أي مادة من مواد رابعة ، يعني مافي مادة متطلبة تمشي معاج اربع سنين .... بس حاولي اتشدين حيلج و بالتوفيق ..
الحين ياية تسئلين؟ اشعقبه ؟اول شي احب اقولج شغلة وتقبليها من اخوج الكبير الحقوق يبيلها مجابل ودراسة انا اول مرة اسمع احد دخل امتحان فاينل ما فتح الكتاب شالسالفة؟ احنا بالكوزات ما نسويها اشلون اذا فاينل وهالشي كان بايدج وانتي ما بذلتي جهد مع انج طالبة حقوق ويفترض فيج الحرص والجدية مو داشة تلعبين فانتي الحين تتحملين نتيجة اهمالج مع خالص شكري ومن غيييييير زعل والله يوفقج في السنوات الياية وتذكري الوضع الي انتي فيه الحين كل سنة عشان يكون لج عبرة وتدرسين عشان ما تنحطين بهالموقف وتقعدين تحسبين الدرجات عشان النجاح او السقوط
السلام عليكم
شلوونكم عساكم بخير انشالله ؟
وينكم مالكم حس
وصاحب البلووق ويينك ؟
نبي شي يديد :)
موفقين جميعا "^^
.
.
اليوم امتحان احوال الحمدلله حلوو
بس واااااايد طويل
والمشكلة اننا ركزنا بالدراسة عالاشيا الصعبة وماتوقعنا بييبون سوالف سهلة :/
بس انشالله يساعدون يارب
عموما ،، أهو أحلى امتحان قدمناه ليلحين ولله الحمد
وانشالله الدرجات بعد تكون حلوة ، حرام مانييب A
بس على اغلاطي اشكره راحت علي الـA لوول
.
.
وبالنسبة للاخت اللي بسنة اولى
حرااااام عليج توج تعيشين جو الامتحانات ؟
ولو اني ماحسج عشتيه عدل !!
حرام ماتييبين قريدات سنعة بـ اصول ودستوري
لا تغلطين غلطتي
كنت ماخذة اولى لعب ووناسة علبو اول سنة وعبالي الحقوق حالها حال اي كلية ثانية
انصدمت بالتكميلي تالي !!
والمعدل لا تعليق معنه باجي المواد كل قريداتي A و B !!
المعدل صار عالحفة جد حرام وليلحيني متحسفة حيل حيل حيل ولو بيدي ارد اعيد اولى ماعندي مانع !!
والحين بثانية صج كليتها ..
شديت حيلي باعمال السنة
والحمدلله كل موادي تمام ماشالله
بس حالتي النفسية فلم لووول
لاني وايد احاتي هل معدلي بينزل ؟
هل بروح ثالثة ؟
راح أعيد ثانية ؟
فعلا نفسيتي حيل حيل حيل متأزمة ..
بس مفوضة الأمر لله وانشالله ينولني اللي فبالي ومايضيع اتعبي ..
( ادعولي أعدي سنة ثانية ، وان تعبي مايضيييع ، آآآآميييين )
جني قلت قصة حياتي ؟ لوول
المهم اللي اقصده .. حرااام ماتييبين معدل زين باولى
بحكم انها اسهل سنة ..
شدي حيلج وموفقة انشالله :)
السلام عليكم
الصراحه انا وايد ادخل البلوق عشان اقرا واونس عمري شوي بس حالة البنت اللي بسنه اولى الصراحه وايد كسيفة خلتني لازم اعلق معني قايله ماراح اكتب شي.
ليش ياماما مو دارسه من اول وليش مسافرة اساسا انتي اظاهر يبين عليج شاطرة بس careless يعني لو اتجابلين شوي بتييبين ولا تفكرين تتأخرين فكري ببعدين ماعليه شيلي مواد بس مو تعيدين السنه لانه المادة اللي تمتحنين فيها فاينل خلاص تكرهينها وترى شعور مو حلو تشوفين رفيجاتج سابقينج سنه وانتي اتحسرين على حالتج.
والله حبيبتي من قلبي الله يوفقج ويسهل عليج وشدددددي حيلج لانج حقوقيه
السلام عليكم و رحمة الله وبركاته ...
بصراحة امتحان احوال كان زوين والحمدلله مايابوه كله مقالي جان صج رحنا فيها ...
بس عالعموم بدعت بالامتحان وصج راحت علي حتى ال90 :(
مـتـحدونية 2006
تعليق على بنت سنة اولى (لاااااااا تعليق) ونصيحة طلعي من الكلية احسن لان هالاستهتار ما ينفع كلش بالحقوق اوكيييييييييي
السلام عليكم...
شلون الحقوقيات والحقوقيين ؟؟ عساكم بخير؟؟
انا طالبه بسنه اولى ومعدلي 87 وماخذه صيفي عربي عند قباني وفرنسي عند البلوشي ... بس خايفه ان المعدل ينزل ؟؟
وعندي سؤال المعدل واايد ينزل لين اتخرج ولا لأ ؟؟
واذا بكمل دراسات عليا جم النسبه المطلوبه؟؟
مشكورييين وااايد.
ana b3rf shai wa7d lma al7in m7d rd 3lai ??
ana b3rf shai wa7d lma al7in m7d rd 3lai ??
enshala hasena e9ndog 7g mno?
hasena mn 7ga e9ndog?
hasena mn 7ga e9ndog?
إرسال تعليق