تظهر حاليا نتائج إنتخابات مجلس الأمة2008
توقعاتكم وآرائكم بهذة النتائج؟
--
وانا اتوقعها تحمل مفاجأت من العيار الثقيل
لنا عودة ان شاء الله بعد النتائج
--
بس والله حرام
احنا طلبة قانون المفروض نتابع العملية الإنتخابية بكل تفاصيلها
قاعدين خلف الله علينا مجابلين الكتب :- (
محد حاس فينا :- (
--
بس ماعليه
ومثل مايقول شعار المرشحة رولا عبدالله دشتي:p
بنأدر أقصد نقدر
ومنو الى يقول احنا مانقدر
سمعوا الى بهالرابط = )
هناك 36 تعليقًا:
أولا اخوي يعطيك ألف عافية على البلوق و على اهتمامك أول بالأول . وانشالله موفق بالدراسة و انشالله تتخرج بالمعدل يرفع الراس =)
بالنسبة للانتخابات , ابي شباب و نساء يصلون المجلس مثل: رولا دشتي و أسيل و مرزوق الغانم و هيثم الشايع و محمد الملا . أهما يستاهلون والله فكرهم و برامجهم ترفع الراس . أتمنى من كل قلبي ان يفوزون .
كما اتمنى كل من عطى رشوى و قص على مخوخ الناس , انشالله ما يفوز .
بس كفانا مشاكل و تأزيم و بوق . نبي نترقي و نبي تنمية . ما نبي ناس اتكفر و اتأزم و تخسل مخوخ العالم . نبي ناس انظاف همهم الكويت و بس .
ما نبي لا طائفية و لا قبيلة . كلنا اخوان و احنا انحب الكل .
و الي يستاهل انشاللة بفوز =)
اللي باين اصلا ان المرشحين السابقين نفسهم بيفوزون والمجلس بيتم ما اهوا والكويت بتنعفس على ايدهم اكثر من ما اهيا معفوسة .. ماكو تشجيع حق الكفاءات والناس السنعة لأ كله حق اللي يعفسون الدنيا ويقعدون .. الله يهدي الجميع
أرجوا انكم ماتفهموني غلط . انا بتكلم بصراحة بدون تجرح .
أعتقد ان في ناس وايد مايستاهلون افوزون بس ليششششش الناس قاعدين يصوتولهم !!!!
مسلم البراك يحب الصراخ و تأزيم و الله يستر من الخفي !! ليش الناس امصوتتله !!! و حتى بورمية كله يصرخ وأزم !! أنا شخصيا جم مرة حضرت جلسات مجلس الأمة . والله العظيم ان بورمية كله يصرخ من قمة راسه و الله ان في مرة كان ودي اقوله بس تكفه اسكت تفخت راسي لوول !!
و الله ان هل ناس موكفو يفوزون و ان في ناس كفاءة و احسن منهم بمليون مرة . لكن حسافة الانسان النظيف ماله رب =(
اما بالنسبة حق الي طالعين بفرعيات . مع كل احترامي لهم و الله حرام عليهم . فوتو فرص على غيرهم . أشكَره النتيجة محسومة . حتى لو فيهم ناس كفائه لكن اهم خالفو القانون و فوتو فرص على غيرهم .
اما دائرتي و هي دائرة الأولى , كل ما اقدر اقولة ان اغلبهم انا ما اشوفهم يستاهلونو خاصتا الي طالعين بالقائمة .
يبه ليش جذي !!!!!!! حرام عليكم اتوصولن هل ناس المجلس !! حرام عليكم بتخربون الديرة !!!!
بس بس بس كفانا فساد و مشاكل . نبي تنمية و الله ان قبلي قاعد اعورني من القهر !!! ليش الناس قاعدين اوصلون ناس ما تهمهم مصلخة الديرة !!
حرام والله حرام T_T
عساك عالقوة ياخوي
وموفق يارب :)
.
.
آنا عن نفسي
أتمنى الشباب يوصلون للمجلس
وعقبال الحريم بعد :)
وايد متفائلة بـ :
د.رولا / د.أسيل / الملا / مرزوق الغانم :)
أتمنى لكل مرشحي التحالف الوطني الديمقراطي التوفيق وفالهم المجلس انشالله :)
والشيء ذاته لـ :
السعدون / المليفي / الخرافي / حسن جوهر
ووايد بعد :)
بس ذيلا الأبرز من ناحيتي ..
.
.
أتمنى .. كل اللي استغل اصحاب النفوس الضعيفة وشرا ضمايرهم وولائهم للكويت بفلوسه ، أتمنى مايوصل
محد ضيع الكويت غير هالنماين اللي عاثت في الأرض فساداً !!
وانشالله أصحاب الحس الوطني يفوزون
بغض النظر عن مذاهبهم وقبائلهم ..
وبالتوفيق للجميع انشالله
^_^
plz roula dashti i want you to win , you are my only hope , also asel 2awa9y .
i hope those women win .
حسافة المراة لم تصل المجلس , أسيل العوضي كان نسبتها قربية من ناصر الصانع .
لووول امبي مادرست .
بصراحة ما كنت متابعة النتائج لأن نمت مبجر ..
=)
بس مثل ما توقعت ..
نفس الوجــــــــــــــــوه .. =S
في نواب يستحقون إنهم يفوزون ونشوفهم مره ثانية بالمجلس وثالثة وعاشرة ..
بس في نواب للأسف حراااااااااااااااااااااااام
إنهم يفوزون ..
أتمنـــــــــــــــــــــــى ..
إن ما يكون حال المجلس الجديد نفس حال المجلس السابق .. !! أتمنى .. !!
حقوقية 2005
والله حسااااافه على المجلس
نفس الوجوووووه
وجووووه الصراااخ والسب والقدف لغتهم
بس هم اقول الحمدالله دشوا اثنين او ثلاثه يدد
العوض ولا القطيعه
salam all...l7amdela 5ala9na mte7an dawly 5a9 oo kan not bad bass inshala era3oona bedarajat...ooo elyoom dr yoosef bada3 e7aseeb dama 5afeef...ham wenza7 bass ala yaster 3ala tanfeeth ala esahel 3aleena ama 3an natayeej lente5abat fakan wede eb aseal etfooz bass inshala met2amlean 5ear ...mwafgean all:)
قوة للجميع ..
بشروا شلون كان امتحان دولي خاص اليوم ؟؟
الحمدلله أشوف انه المجلس اليديد زين =)
اشوة في ناس طاحوا لووول ..
يا جماعة نبي شي صجي .. شي يبيّن .. يرفع الكويت فووق فووووووق ..
رولا دشتي تقول بنأدر :p
و حدس .. علشاانهم ..
و بعض ناس .. المهم الكويت .. لووووووول
ما عليه كل شي كان مكتوب ..
والله يحفظ الكويت ..
اشوا الحمدالله الي كنت ابيهم نجحوا =)
الحمدالله نجح صالح الملا و مرزوق و الصقر و الراشد . بس كان ودي هيثم يفوز !!
حسافة المراة مافازت لكنها حققت رقم لا بأس فيه و هذا بحد ذاته نجاح .
بس و الله الي نازلين فرعيات نتائجهم محسومة و الله ظلم . كان في وايد من أبناء القبائل كفاءات و قلبهم على الكويت . بس حسافة الي في خير حق ديرته محد صوتله . بس الي امظبط نفسه بالتاحلفات و الفرعيات (طريقة مو نظيفة) اهما الي فازو .
صج ليه قالو ان السياسةلعبة وصخة .بس على الاقل في وجوه صقطت مثل في كان يرشزن العالم و الي كان يقصون على عقول الناس و حطون الدين ستار لأفعالهم و فكرهم الي اهوا بعيد عن الدين .
صج ان ليه الحين في جم واحد من هل نوعية , بس انشالله مع الوقت ينقرضون .
انا بس بعرف ع.د. اشلون فاز ! و اهو على قضية رشوى و دفع غرامة ! اهي مو جريمة مخلة بالشرف و الامانة ! مو لازم تبطل عضويته و ما يستحق يكون عضو !!
الحين المسكين خ.الش. شطبو اسمه بغير حق و الي يستاهل يشطبون اسمه أمثال ج.ع و ع.د ما شطبوهم !
ابذمتكم لمن اتشوفون واجد الشعب المصوتيله 14 الف صوت و هل الشخص راشي الناس و يأزم بالمجلس و يحب الفتن و التشهير و يحب عرقلة التنمية و كله بيستجوب . بالله عليكم اشمعناته ؟ معناته احنا شعب و للأسف انحب الرشوى و انحب التأزيم و مانبي تنمية بس نبي حجي و صراخ على الفاضي و هذا كله على حساب ديرتنا .
الصراحة في وايد ناس انظلمو لأن الطائفية و قبلية اهي الصفة الطاغية على الانتخابات .
كان ودي الديناصورات ما يفوزون . بس ييه الوقت الي لازم يقعدون في بيتهم و يعطون المجال لغيرهم .
انا مو ضد الطوائف أو القبائل . لكن على الاقل الناس الي قاعدين يختارونهم في التحالفات ليش ما يكونون كفائه ؟ في ناس عندها دواوين المخالفة و في ناس ترشي واتوزع خيشة عيش =_= !!
اتصورو في الدائرة الاولى فستحالف شرى ذمة الناس ابخيشة عيش !! شوفو وصلنا ليه اي مستوى !!
لول في ناس اعرفهم, يسولف يقولي في ناس اموزعين عليه تلفون بو 11 دينار لوول يعني حاله حال خدامتنا الي توها شاريا مثله لوول .
لوول في بدلية في تعليقي السابق =_="
( واجد = وايد ).
ألف مبرووووك لمرشجي حدس الي طلع
بالدائره الثانيه والثالثه
الصانع - الشايجي -الحربش
وهااااردلك اخونا دعيج الشمري
فعلا رجاااال ويستاهلون الثقه
وان شاء الله على ايد الأعضاء الحاليين
تتصلح أحوال الديره وترجع الكويت
درررة الخلييج
لوول عندي بدليتين عادي بالليل ودايخين
مرشجي = مرشحي
طلع = طلعو
سؤال حق سنة ثالثة . دكتور منصور مال جراء خاص نزل الدرجات مالت أعمال السنة؟
اذا نزلت الدرجات . ابي اعرف المستوى العام!
لا بعده الدكتور ما نزل على ما اعتقد
اشلون اندش امتحان الفاينل و احنا مانعرف شمهبيبين باعمال السنة !
اخاف بس يلعبون بدرجاتنا . نفس سنة الي طافت بجزاء عام الدكاترة لعبو بدرجات الفاينل لمن قالو بس و درجاتنا كانت غالبيتها جيد و مقبول و الي حظه حلو ماخذ جيدجدا .
ترا و الله ظلم
الويوه ما تغيرت نفسها نفسها التغيير كان بسيط
توقعنا بتغيير الدوائر من 25 الى 5 بغير من النتيجة وبحسن من المستوى بس شكلا على قولة رولا بنأدر .. نقدر ندش المجلس بفلوسنا وبفرعيات وتحالفات وحركات ما يفهم فيها الا ربعنا.. الله كريم بس عسى ما ينحل هالمجلس بعد تعبنا والله
كنت اتمنى تدخل المراه المجلس اتوقع اذا دخلت وحده راح تسهل المجال حق غيرها و د.اسيل العوضي كانت نتيجتها وايد حلوه وكانت تقدر تدخلها بس انشاء الله بالمجلس الياي راح تحاول اكثر
والله يوفق الجميع..
صح السانج حقوقيه . انا اوافق رايج .
أما بالنسبة حق بلوة اليوم . الي هببت فيها بمتحان جزاء .
شكلي لأول مرة في حياتي و منذ 20 سنة راح اول F في حياتي T_T
ما اقول الا الله لايوفق الي يحاول يسقطنا .والله اني كنت حيل متفائلة و مستانسة قبل لا ادش المتحان لأني احب مادة جزاء و انا زينة فيها . لا الامتحان كان وايد وايد وايد طويل و في بدع ! 3 ساعات ما كفتني . خذوا مني الورقة وانا ما كتبت سؤال كامل عليه 10 درجات . و قضية عليها 8 درجات أغلب الدفعة حالينها زفت .
شكلي بعيدها مع 2006 , سي يو 2006 D;
بس نصيحة حق 2006 لا تاخذون عند منصور لأنه مايفهم . وجزاء يبيلها واحد فاهم . اهوا لا اهو فاهم و لا يفهم .
و عقود لا تخذون عند عبدالوهاب . لأنه ما يفهم و لا اهوا فاهم . والله ان قي قضية احنا حالينها صح و نسف الي بالكتاب و سألنا دكتور ناثي قال ان حلنا صح , اهوا حاطلنا غلط و احنا قلنالا دكتور ما نبي درجة بس ابيك تقنعا لوول حتى ماقنعا اهووايد متناقض و مايعرف شسالفة . و قضايا مالوتا معوقة لووول اشلون اتحل و اتحلين قضية صح اذا السؤال معوق ؟
اما بالنسبة لدرجات اعمال السنة فماكو عدالة أبدا الكل ماخذ نفس الدرجة ,والله اذا مو امصدقين رحوا عند مكتبه و شوفو درجاتنا اعمال السنة الكل ماخذ 34 و35 و 36 اللهم وحدة 40 و 29
اشكرة الدكتور مو جامع درجات الامتحان .
باتشر امتحان اداري :( ادعوا لنا يا جماعة....
جزاااااااااااااااااااء خااااااااااااااااااااااااااااص .. الطامة الكبرى .. no comment!!!!!!
ابيه امتحان جزاء مو صج كل وحدة كاتبة اجابة والمشكلة كلنا غلللللللللط يعني من وين ما نيي حق الاجابة هم غلط .. واي مابي اسقط والا آخذ تكميلي ابي انجح بجزاء صارلي week ادرسلها وهم ازفت ترى حدى ظلم يا عالم :"(
عفيه كلموا الدكاترة خل يسوون شي ترى حرام الدفعة كلها امبدعاااااا والله حرام وين اللي قالوا بييب الامتحان سهل وين السهولة هذي؟؟؟؟ يا ربي تعيييييييييينه ما اقدر اقول الا هالكلمة
امتحاااااااان ادااااري باجر شدوا حيلكم
ياجماعه الي فاهم من المذكرة شي يقووووووولي
وسجلوووو موقف
متأثرة بالانتخابات
لوووول
امبيه امتحان جزاء اليوم حده صعب
شنو هذا وربي حرام عليهم
يايبين اساله مادري من وين وخصوصا السؤال الاخير مال المصلحه يعني ليش جذي
هادين كل الكتاب ويايبن اساله مادري شلون صايره بس عشان يغثوونا
عـ الاقل لو سؤال واحد سنع ويفتح الفس ماقلنا كل الامتحان نبيه سهل
والوقت مايكفي حده شوي
الامتحان يبيله اكثر من 3 ساعات
حدي حدي منقهره
بس شنقول غير الله كريم وعسى يارب مايضيع لنا تعب
وان شاءالله يحنن قلب الدكاتره علينا ويعطونا درجات حلوه
وان شااء الله الكل ينجح في جزاء خااص
عاااد شدوو حيلكم بميراث الي انا مو فااهمه منه لا شي
شكلي ببدع بالامتحان الله يستر بس
ومووفقين
موفقين 2006 باداري . انشالة امتحانكم يكون يسهل و موطويل . لا تحاتون ترا اداري1 مادة بسيطة و سهلة بس انشالة ما ييبونلكوم امتحان صعب . ادرسوا عدل .
والله ان ايدي ليه الحين تعورني من الامتحان, اول مرة اطلع من الامتحان و ايدي مورمة من الكتابة , والله بدون مبالغة . ولا فوق هذا كله ما مداني احل اخر سؤال. انا بعرف بس الدكاترة اشناوبن علينا ؟
احلنا بكلية الظلم و الاضطهاد مو بكلية حقوق . قصب بسقطونا و نزلون معدلاتنا . والله ان مواد ماستاهل هتعقيد بس شنسوي بهل دكاترة الي جنهم صدام .
أنا كنت متوقع ان النتخابات هسنه راح تساهم في إصلاح الدوله بس تدرون عقب ماشفت النتايج تأزمت لأن عناصر الـتأزيم ردت مره ثانيه بس الحمدلله تقلصوا كنت أتوقع أنكم عارفين منو أقصد ؟ قصدي حدس :(
بس تدرون على الرغم من أني ضد دخول الحريم للمجلس بس تمنيت د. أسيل العوي تطيح ناصر الصانع
ترا أانا مو ضد حدس كلهم أنا لو كنت بدائره الثانيه جان صوت لجمعان الحربش لأن ريال ماكو نفس الله يوفقه و يساهم في أصلاح الدوله
لا تعتقدون أني ولد قبيله عشان أيدت جمعان أنا حضري بس الريال يأيدونه الحضر و البدو ... و إلى الأمام يا جمعان :)
يا جماعة ترى د. منصور العتيبي يقولون نزل أعمال السنة ، و همن د. راشد العميري .. و يقولون باجر في محاضرة الساعة 12 بالشريعة راح يجاوب فيها الدكتور عن الاشياء المومفهومة ... بس الصراحة ما بلغوني وين بالضبط ...
الرجاء النشر ....
الله المستعان المشكلة مو في النواب المشكلة في الناخبين اللي مصرييين يوصلون الفاسد و الراشي و الجذاب و المنافق و غييير ه و غيييره إلا من رحم ربي و هم قلة قليلة تنعد ع الأصابع هاردلك شعب الكويت الله يعينج على ما ابتلاج ياكويتنــاا .. مؤشرات أولية مجلس فاشل و راح ينحل يعني ينحل .. و لا في واحد توه الجلسة الأولى ما انعقدت يهدد بالاستجواب ؟؟ حدهم داشين بشرّهم و أحلى شي إنه ماكو حريم فكه ..
بالنسبه للانتخابات
احسن شي ان ماطلعت ولا مره وياشين الحريم بالسياسه.
وثاني شي النتايج حلوه لأن فازو أحسن نواب منهم خالد سلطان بن عيسى ومحمد المطير والحربش والعميري والعمير والشايجي والكندري بالدائره الأولى والرومي والعوضي.
واحسن ان رولا دشتي ما طلعت اهيا خل تتحجا كويتي اول عشان تمثل الكويتيين.
والصراحه خالد سلطان بن عيسى يستاهل أحسن واحد ومتفاءلين فيه ان شالله.
وأعزي على فوز الليبراليين بالدائره الثانيه لأن انتهى زمن الليبراليين بس بالدائره الثانيه غير.
وبالنسبه للحقوق
ياجماعه انتو شدعوه جذي وايد تبالغون ترا الحقوق تبقى كليه أدبيه ودراستها بالعربي وترا اللي ما يمشون بالهندسه ولا بالعلوم يحولون حقوق لأنها سهله.
وبعدين دراستنا ما تتقارن كلش مع دراسة الهندسه والطب والعلوم حتى علوم اداريه أصعب والله ماجذب.
أصلن احنا لو بهالكليات اللي قلتهم جان ما خلصنا حتى أولى وما نمشي
وكاهم ساكتين ومتحملين ومايتحلطمون لأن هذيلا الشطار صج.
بس طلبة الحقوق أكثر ناس يتحلطمون ويتشكون معنه دراستهم ماقيها شي.
تدرون وين المشكله بكلية الحقوق واللي مخليها صعبه؟
الدكاتره والدرجات
يعني تلاقي الواحد يشوف ان الكليه سهله ويدرس عدل وسهالات
يدش الامتحان ينصدم بالاسئله التعجيزيه اللي ما تنحل
ويشوف التصليح ينصدم اكثر واكثر
ويشوف الدرجات والظلم يموت
والله لو دكاترتنا غير جان احنا احسن كليه
بس سياسة التنحيش والتطفيش والظلم موجوده بكليتنا
وهذا اللي مخرب عليها ومصعبها
جنه اللي يدشها يدش اختبار مع الدكاتره وتطفيشهم جنه يحاولون ينرفزونه وينحشونه
واللي يتغلب عليهم يعني تعدا الاختبار ويتخرج
الدكاتره!!!
حسبي الله ونعم الوكيل عليهم
مايبونا نكمل بالحقوق مايبون احد يتخرج منها
جنه يظيق خلقهم لي احد خذا درجه كامله عندهم يشكون بروحهم
ونسيت شي عن الانتخابات
ترا لا تنسون ان النواب اللي فازو هذيلا اختيار الشعب الكويتي نفسه
وهذي الديمقراطيه وهذا راي الشعب الكويتي
وخالد السلطان مع انه اول مره ينزل نفسه وفاز بنسبه خياليه محد كان متوقعها ليش لأن هذا اختيار الناس وأهالي الدائره الثانيه وهذا اللي يبونه
ابيه اذا احنا من اسهل الكليات؟
عيل المفروض عيال الكويت اقل واحد فيهم مخترع الذرة
مو انا اللي اقول انه الحقوق صعبه الناس اللي حوالي اللي بادارية واجتماعية بس يشوفون حالتنا والتعب اللي نتعبه من غير ما نشتكي يقولون الله يعينكم على مابلاكم
وانا اللي مصبرني بالحقوق انه الدكاترة شوي فيهم خير ووايد يساعدون طبعا مو كلهم بس وايد منهم
واحنا لمه نشتكي ونتحلطم ما نتحلطم على الناس اللي بره نشتكي اهني لانه هذا المكان الوحيد اللي ناخذ راحتنا فيه لانه فيه ناس فاهمينا وحاسين بمعاناتنا
ولو موصعبه هالكليه جان ماعاملو خريجينها معامله خاصة بالوزارات
اسفه عالطواله بس الصراحه انا وااايد اشوف نفسي لاني حقوقيه
شنووووووووو؟؟؟!!!
الحقووووق سهله منو قال !!!
واذا بالعربي يعني سهل !!!
لا الحقوق صعبه ووااايد صعبه وانا بسنه رابعه شفت بنات وشباب اول مره اشوووفهم طلعووووا متأخرررررين وشكلهم كبااار وعندهم عيال بعد !!
وفي واااي ما قدروا ع الحقوق راحوا ادرسوا بمصر علشان سهله وهم بفلوسهم تصير اسهل
إرسال تعليق