بسم الله الرحمن الرحيم
صبحكم الله بالامتحانات
ومساكم الله بالنوتات
--
اليوم ماراح نكثر حجي وايد
لانه الصور تغني عن ألف ألف كلمة
تذكرون هالإمتحان
هذا ربع القضية الى يتلنا بإمتحان المالية الى كان ثلاث صفحات والعياذ بالله
أحداث الامتحان ماراح تتكرر أبدا
كل الطلبة يايبين مدرسين وكل مدرس له طريقة خاصة بحل القضية
--
وآخر شي يقولون الى يحل على طريقة المدرسين بنحط له صفر
والورقة توصلنا بالامتحان طاااااااااازة من ماكينة التصوير
ولمدة ساعة نص الى بالامتحان موعارفين شنو يسون
والأفلام لما صار تنهوص بالامتحان
بصراحة في نص المعمعة انا ضحكت على التنهوص
لأن الموقف كان صج صج لووووول
--
والى طلع معصب يبي يفشش تواير سيارة الدكتورة
والى مايدري شيسوي يطق راسة وبالطوفة ولا يضحك على الامتحان
بصراحة أفلام وذكريات لن تتكرر
---
أخر الأخبار
يقولون امتحان الجزاء كان صعب عسى الله يعينكم
اختبار سنة رابعة المقبل تنفيذ للعلم السنة الى طافت كان اصعب امتحان تنفيذ فالله يستر
ترقبوا المفاجأة لسنة رابعة بأحد الامتحان
راح ايي امتحان صعب وغير متوقع نطروا وبتشوفون
--
سنة ثانية
انا متحلف بجم واحد بمادة التزامات الى ماينجح عقب ماعطوهم مدة شهر للدراسة بصراحة صج صج الطق شوية بحقة : (
هالدفعة تذكرني بهالبرنامج اذا كانوا ملحقين عليه
المنـــــاهل :p
--
سنة أولى الأفلام على اصولها
عسى الله يسهل عليكم ويسر دربكم بهالكلية وان شاء الله تتوفقون والله ينور عقولكم بالعلم والمعرفة
--
ختاما
اهداء هالفيديو حق دكاترتنا
حسوووووا فينا
= )
وفالكم طيب كلكم ان شاء الله
ادعوا لنا بالتوفيق
ونستقبل ذكرياتكم وآرائكم على الإيميل التالي من فترة ماوصلنا شي يديد
q8law2004@hotmail.com
هناك 51 تعليقًا:
thanks for this nice blog :)
secondly allah yewafgik we yewafig kel 2004 bemti7an tanfeth , we enshallah yekon emti7ankom sahel we base6 ;D
also i wish all 2006 have good luck on todays exam ,i hope you did very well and i pray that your exam isnt that hard , and please tell us how was your exam !!
lol 3ala el-manahil . shabary bs 9ej layeg 3alehom =)
lol el-video 7ada layeg 3alena . 7eso fina 7as7esona , nasena nasena
2ma 3an dof3tna w el-tahbeb ely hababna ams eb jaza2 fhatha shay thany , shakly ba3ed el mada =D
اداري (1) بدعوا فينا بالامتحان، القضايا ما أدري شيبون بالضبط؟؟؟:( طارت الA
ااااااااخ يا امتحان اداري1
اليوم امتحانه (سنة ثانيه) اداري حده صعب حرام عليهم المادة مو صعبه بس الاسئلة مادري من وين مألفينها
من كثر الحنة سنة ثانيه شطااار طاح حظنا
بالنسبة لك اخوي تقول عندنا شهر حق التزامات، بس هالشهر احنا عندنا الف امتحان غيره كل اسبوع امتحانين ندرس شنو ونخلي شنو
و هم ما افتكينا من التزامات باقي الورقة الثاانيه اخر يوم بخريطة امتحانات الكلية كلهاااا
امبي ببجي الإداري اليوم صعب يخرع !!
شفيهم علينا لا التزامات مترقعين فيها ولا الإداري :( :(
حاطين على دفعتنا شكلهم :( :(
الله يعينكم يا سنة ثانية ، و الله يسهل علينا و عليكم ، و لا اتحاتون انشالله الدرجات حلووة ، و أمانة أحلى شعور اذا كنت مزفت بالامتحان و درجتك تطلع حلوة ( اتحس انك مكتشف الذرة ) ، بس صراحة من المواد اللي حيل ساعدونه التزامات و اداري و مالية بس مالية و التزامات بزود ، و الله كنا مزفتين و ما كنا نضمن ناخذ نص الدرجة بس الحمد لله حيل ساعدونا ، اما اللي صج ما توقعناهم احوال شخصية و جزاء و دولي اخفسوا فينا بدرجة مو طبيعية فشدوا حيلكم فيهم و انشالله اتييبون درجات زينة فيهم و بغيرهم ، و ادعولنا معاكم ، لأن دعاء المظلوم مستجاب .. و بالتوفيق انشالله لكل الدفع ...
حرااااااام عليكم شنو مسويين لكم سنه ثانية
بس فيديو المناهل روعه حسيت اني رديت الى ايام الطفوله
من حنتكم على سنه ثانيه كل امتحان ايبووونه اصعب من الي قبله
ادااري اليوم ابداااااع
مع انه الدكاتره حليوين بس من كثر مامدحناهم عطيناهم عين
ابي واحد على الاقل يقولي ان سوا زين بالامتحان العباقره زفتو شلون علينا اصحاب الذكااااء المحدود
اليوم في واحد من الشباب كسر خاطري
كل مايمر دكتووور يسئله عن الامتحاان
اخر شي يقول حق د.محمد العتيبي
دكتور شنو هالامتحاان شكتب قااله اكتب كل شي وانا الي راح اصحح
كسر خاطري
حسيته صكت فيه الدنيا
ويااخي من قالك عندنا شهر على امتحان التزامات عندنا بس 3 ايااام
ياااجمااعه لازم نتحد هالسنه مصعبين علينا الامتحااانات ادعووووا كلكم الله يسهل علينا
وينجحنااااااااااااا اجمعيييين
يا جماعة ترى د. منصور العتيبي يقولون نزل أعمال السنة ، و همن د. راشد العميري .. و يقولون باجر في محاضرة الساعة 12 بالشريعة راح يجاوب فيها الدكتور عن الاشياء المومفهومة ... بس الصراحة ما بلغوني وين بالضبط ...
الرجاء النشر ....
emt7an edari ma kan 9a3b .. kan zain. 9ij ma sawait zain bs ana mo darsa mithl il awadim. bs ib 9ora 3amma il emt7an ib mostawa il 6alib il daris ;p
iltzamat ishda3wa shahar 3indina yomain o ni9 ;p.
allah ywafig il jmee3 o ysahil 3laiina :)
لووول خوش فيديوز
بدعت ;p
.
.
يا سنة ثانية وياطلاّبة سنة ثانية لوول
تكفون بدعنا بامتحان التزامات الاول
واليوم باداري قمة الفن والتأليف
ومالية من الحين ندري إنه بيكون بديع
والتزامات 2 بحكم ان الكتاب مليق والامتحان الاولي مايبشر بالخير فـ ماله داعي نتأمل خير لووول
تكفون شبقى ؟
لا بالله راح المعدل ..
مابي أعيد ثانية ، بروح سنة ثالثة أبي أفتك :"(
الله يسامح الدكاترة وانشالله يخفون إيدهم بالتصحيح يااارب
دعواتكم :)
إداري = قمة الإبداع والتأليف .. =S
الامتحان مو صج .. !!
واللـــه يستر من مالية .. =S
الله كريم ..
الله يوفق الجميع إن شاء الله ويسهل علينا ..
وتفاءلوا بالخير تجدوه .. =)
والله انا حاسة فيكم سنة ثانية , لأن موبس انتو الي حاطين عليكم , ترا حتى دفعتنا 2005 حاطين علينا , شكلهم بسقطونا او ينزلون معدلاتنا مع ان الموادوالله موبذاك الصعوبة . بس الدكاترة الله لا يفوقهم حاطين علينا حطة هالسنة .
انا توني بديت ادرس وقف و مو فاهمة ولا شي . بس شسوي بحاول افهم نفسي قصب . و باجر بدرس ميراث الي في أشياء وايد يبيلها احد يشرحها لأن الكتاب ما يفيد في فهم و حل المسائل .
أنزين ابي احد يبشرنا ابدرجات منصور العتيبي و راشد العميري . تكفة قولولي اشلون المستوى العام ؟
و الله مادري عن المستوى العام ، بس شفت درجات الساعة 11 زينين نوعا ما ، أما عن جزاء انتي كنتي مقدمة تقرير ؟؟ لأن قال التقرير عليه 3 درجات زيادة و الغياب عليه 3 درجات زيادة .. و اذا في اشياء مو فاهمتهم بميراث و وقف حضري باجر بالشريعة و سألي الدكتور
انزين أي قاعة ؟ انا و لا مرة رحت شريعة ؟ اهي اب كيفان صح ؟
اي الشريعة بكيفان ... بس عن القاعة و الله ما ادري وين بالضبط ...
مشكورة وايد . انقذتيني !!
شكلي باجر بروح لأني نسيت حل المسائل و في وايد اشياء ابميراث انا مو فاهمتها .
thanks ^__^
العفو ولو ما سوينا شي ...
انا الصراحه مو خايفه من شي كثر جزاء حدي مخترعه منه .
سنه ثانيه واللي يعافيكم شنو المحذوف من جزاء لانه دكتورنا مايدري وين الله قاطه .
عاد دكاترة جزاء شكلهم نحس واولهم دكتورنا اتوقع هالمادة اللي صج ببدع فيها,الله يستر
الله يوفقنا كلنا.
ابييييييييه شخباري المناهل واي حده عجيب.
طبعا اداري ماراح اتعب الدكاترة بالتصليح على طول اكسات
بعد بركات دكتور الرميضي.
مالية عقب 3 أيام... دكتورنا ما شرح لنا المسائل و لا الازدواج الضريبي و لا النفقات :( بس طول السنة يسولف عن نفسه و سفراته... يعني أنا شلون أدرس و أنا مو فاهمة....
الله يستر....
دستوري ملييييييييق :"(
الله يستر من درجاتنا !!
يااا رب حنّن قلوب الدكاترة علينا .. و خلهم يحسون فينا ويحسحسونا وما ينسونا :d !
( جني داشة عرض بينكم .. انتوا خبة واداري و تنفيذ ومادري شنو :d وانا دستوري ! >> رديتكم حق أيام اللعب والوناسة :d ؟ )
اي والله أيام اللعب و الوناسة :)
بس ترى صج مليق الدستوري ...
الله يعينكم و انشاالله كلم A
اليوم دستوري معقد وشكلا كلنا بدعنا فيه انا ما خلصت الا عقب ساعتين ونص هذا عقب ما عصرت مخي وطلع اللي طلع المهم حلينا والله يسهل
بس صج والله حرام عليهم احنا اول سنه لنا المفروض يراعون ما يخلونه نتعقد من الكليه نجرب التكميلي من اول سنه :(
please سنة ثانية، كتاب مالية الدكتور قال من صفحة 539 لصفحة 624 لا تركزون؟؟ يعني أدرسها و لا لأ....
أبي أعرف طلبة د.فيصل شنوا قال لكم؟؟
د. الفهد قال من ص 539 إلى 622 إطلاع (قراءة) .. ~
طلبه سنه ثانيه اكيد الي قلتو عنا قرااءه
وترى الدكتور فيصل نزل قضايا على الموقع
دكتور حمود قال لا تركزون عليه، و اذا يبنا، نييب سؤال واحد...
ضحكتيني بركات الرميضي
معلوم اذا الرميضي ما يسوي اكشن بأسئلة الامتحان منو يسوي عيل..
سنه ثانيه جزاء عام
انا بعد مادري عن المحذوف دكتورنا النويبت ما خذينا منا كلمة مفيده قال العقوبه محذوفه بس ما وضح بطلت الكتاب دخت لانه فيه كذا فصل
و ماليه الله يعينه لانه دكتورناالحمود ما شرح الا مسأله او ثنتين و الازدواج الله بالخير انا عالبركه
قوة ...
بغيت اسأل اللي بسنة ثانية ..
ص 539 الى 622 (( اعداد الميزانية ))
معانا بالامتحان ولا بس قراءة ؟؟؟؟؟
لان بصراحة كلها اجراءات ومعقدة حيل
السنة الظاهر فيها انه .. والا امتحان طلعت منه وقلت مقدمة عدل والمشكلة لما اراجع اكون متأكدة من اجاباتي ومن اسلم لورقة والله العظيم اكتشف اغلاطي والمشكلة اني اعرف الاجابة .. السنة فيها انه فيييييييييها ..
سنة ثالثة الله يعينه على ما بلانه لأن امتحان ميراث اليوم حدى عجيب ف الله يعينه جد و يوفق الجميع ..
واي قهر قهر =(
من صفحة 539 لصفحة 622 أكيد قراءة... :)
اي و الله قهر ... و الله حرام مع إن الدكتور ما قصر بأعمال السنة ، ما ادري ليش ياني احساس ان احوال شخصية تتكرر مرة ثانية ( اعمال سنة ممتازة * بونص بالامتحان * صعوبة امتحان الفاينل = درجات فاينل زفت )
و اللــه حرام السنوات اللي طافت امتحاناتهم كانت سهلة اشمعنه عليها احنا ....
بس الكــل بكوووم و الجدة المفقودة بكوم ، طول الامتحان و انا اقول حسبي الله و نعم الوكيل فيها خل تأخذ من أي أحد ، شرط انسويلها بالحياة و الموت و نقارن ...؟؟ بذمتكم اشلون حليتوا هالقضية ؟؟
ابييييه مت من الضحك على تعليق الجدة المفقودة =)
اي والله حبكت اليدة اهيا المفقودة لا وبنتين ابن يعني اصعب واملق شي زاي مأساااااة ..
ناس قالوا اصل المسألة 156 وناس مثلي ما سووا الرد والا العول وطلعلي اصل المسألة 12 والموقوف للجدة 5 هي هي هي بس يقولون ان الموقوف الأصلي يكون 7 والله تعالى اعلم .. (حلم حلم) p:
اللــه يخليج انا اقول حق رفيجتي و ها الجدة وين مضيعينها و الا منحاشة و انفقدت ، و رفيجتي اتقول الظاهر هاجة منهم و لا تبي ورث بعد ، بس و الله مو الشرهة عليها و على نحشتها الشرهة علينا احنا اللي نفكر لنا جم نأخذ و اهيا و لا بالبال ... لووول (:
اي و الله عن سالفة بنتي ابن ، انا كل ساعة اقول يمكن الدكتور بيي و يقول ترى في خطأ مطبعي غيروه و سووا بنت ابن لأن كان معطينه اياه و تنحل ):
بس املق شي ان يايب من الهوامش .. شكوووووووو ... حتى الهوامش نحفظهم ؟؟؟
أنا بسمي ولدي "شريح" هي هي هي .. بالله هذا سؤال يايبه شنو رأي شريح بالوقف وإاللي اول مرة يسمع فيه .. اسأله تعجيزيه..
لأ حرام الدكتور وايد عاد وزاد بالهسؤال اللي من الهامش وقال حفظوهم جنه قاصد انه بييبهم بالامتحان وآنا لما شفت السؤال استانست لأنه سهل =)
استغفر اللـه مابي اظلمه يمكن قال بس يمكن ما سمعته ، و الدكتور اليوم يقول الاكثرية قاعدين يسألونه عن ها السؤال ، فأظن إن ما حفظناه لأن ما كنا نتوقع اني اييب هالسؤال ..
و عن سالفة شريح ،اهوة ما ادري ليش يبدي بأسئلة غريبة و سخيفة ، بذمتكم احنا من زود الحفظ بالميدتيرم الأول دققنا على كل شي الا اسم المؤلف ، اشوة اني كنت مسوية التقرير قبل الامتحان ، فقلت جنه قريت ابن قدامة و اضبطت معاي (: و انا كنت تقريبا من اخر جم بنية اللي اطلعوا من الامتحان( الميدتيرم ) فسلمت بنية الورقة و قالت حق الدكتور هذا السؤال اللي حسيت ان راح ايي بس ما حفظته لأني قلت مو معقولة ان ايي مثل ها السؤال جان يضحك ، جان يقووول انا اشوف البنات يقولوون دكتور كتبنا ان انت المؤلف جاااان يموت من الضحـــك (:
عاد شنو طلع رأي شريح لأني ليلحين ما قريت رايه والا لي خلق ابطل النوت =) شنو طلع رايه بالوقف؟؟
الحمد الله ان الامتحان عليه 70 يعني اذا غلطتوا ب 10 درجات مو مشكلة بس المشكلة اللي فلط ب 60 درجة هي هي هي
سوووري
فلط = غلط
رأي شريح : انه لم ير بصحة الوقف لأن لا حبس عن فرائض اللـه ....
حلو عيل انا كاتبة تعريف االوقف هو تحبيس الاصل وتسبيل المنفعة بيحطلي صحين بدال صح واحد هي هي هي
شكرا على التوضيح وبيان الراي =)
يا جمااااااعه
بما ان البلوق عن ذكريات طلبة الحقوق
ليش ما كل واحد يقول مواقف او ذكريات
أو اقتراحات أو اي سوالف متعلقه بالكليه
كلللل الردووود دكاااتره وامتحانااات
ودرجااات و تحلطم !!!!
بتنفرووونا من الكليه جذي ؟؟!!
حرااام عليكم احنا سنه اولى
والله الي يدش ويشوف هالردود يكش من
البلوق بكبره
الواحد يبي ياخذ بريك ويرفه عن نفسه
من هم الدراسه يدش البلوق تنسد نفسه
صلو عالنبي يا جماعه
ترى الدنيا ما تسوى
خخخخخخخخخخخ ، انا مع اخوي اقتراح
والله ماقمت احب أدخل عالبلوق، كله منكدين ومادين البوز ،ياحبكم للتحلطم ماعندكم حب للحياة مثل عيال الإداريه :)
اللي معترضين لي اوصلوا سنة ثانية وثالثة ورابعة لا يتحلطمون اوكيييييييييي خل يتفاءلون وااايد واحنا ما انفركم من الكليو بس هذا الصج لازم تعرفون مستقبلكم الباهر بهالكلية ..
اي و اللــه على قولتج .. احنا بسنة أولى كنا متفائلين بس ها التفاؤل ينقص سنة عن سنة ... و لاحظوا انفسكم إذا وصلتوا ثانية و ثالثة و رابعة ، ((( و إن غدا لناظره لقريب )))
(( تفائلوا بالخير تجدوه ))
=)
* تفاءلوا
خطأ نحوي =$
=)
تفائلنا واااايد بس ماكو فايدة كل سنة اقول السنة بشد حيلي اكثر ومن اشوف الوضع والدكاترة اللي ما يرحمون والا يخلون رحمة الله تنزل وين الواحد يتفاءل ؟؟؟؟
انا الحين بسنة ثالثة وماني مصدقة اني بروح رابعة انشاااااااالله (ادعولي ) بس من شفت لمتحانات وانا امغلقااااا ادعولنا ننجح واحنا بعد بندعيلكم كلكم تنجحوووون الله يوفق الجميع =)
الله سبحانه يقول ( أنا عند حسن ظن عبدي
بي )
يعني اذا أحسنتي الظن بالله وأيقتني ان حقج
راادلج اذا مو بالدنيا بالآخره لأن
الل سبحانه أقوى من كل ظالم
وتفاءلتي بالخير ذاح تلقين الي يسرج
ويرضيج
بس اذا على هالتشاؤم والتحلطم والتنكد
ما راح تربحين لا بالدنيا من درجات
ولا بالآخره من أجر على الصبر وحسن
الظن بالله
نصييحة اوخيتج الحياه حلوه =)
بصراحه الكليه بتصير اي شي من بعد سنه رابعه لانهم معطين جو حق الكليه@ـ@والله يوفجهم وكلهم يتوظفون بالفتوى والتشريع...((ما ظنتي ؟؟؟))
يعااااااااالم يهووووووووو شفتو احد ياخذ بماده اختياريه d؟اي لاني ماخذه عند داود الباز الي حاط الدرجات وهو مغمظ؟والله والله ظلم؟؟؟خفس بسنه ثانيه خفاس فنصيحه يا سنه اولى لا تاخذون عنده:(وبهالمناسبه حبيت اهدي نظم سياسيه اغنية ...غداره....:(
إرسال تعليق