بسم الله الرحمن الرحيم
صباحكم امتحانات
ومسائكم مراجعات
--
قبل كل شي ترا راح نسوي (قروب إيميلات)
راح ندز لكم كل ما ينزل شي يديد بالبلوق
او مواضيع قانونية واخبار الكلية والانشطة
خصوصا انه حفلات التخرج قربت
طااااااااااط طاااااااااااااااااااااط
علشان توصلك رسايلنا
دز رسالة فاضية على ايميل المدونة
آخر الاخبار والتطورات
يقولون انتهوا من تصحيح المدني والدولي كذلك
والدرجات بالمدني كويسة أوي
امتحان الدولي الكل طلع منه مستانس بس في بعض التركات بالامتحان ماكنا حاسبين لها حساب
طبعا امتحان التنفيذ كان عذذذذذذذذذذذاب
انا ورقتي غنت عليها نانسي عجرم وقالت
شخبط شخابيط
لخبط لخابيط مسك الالوان ورسم على الورقة
لووول
الله يستر من الدرجات وان شاء الله أعمال السنة تنفذنا من المأساة
--
بالنسبة للبحري
طبعا كان فلم
قبل الامتحان
الى يدرس جبال البحر
والى يدور نظارة سباحة
والى كان مفكر يدخل الامتحان بالقميص الازرق الى عليه صورة نخل ومكتوب هاواي:p
والى يقول بدش قاعة الامتحان بزعانف سباحة
الحمد لله الامتحان كان زين
طبعا انا بدور بالنت يمكن اكو مسابقة رفع الاثقال بالاصابع عقب هالامتحان
لانه كان طوووووووووووووويل
لدرجة ان الواحد يعرف الاجابة بس ماله خلق يقعد يكتب اكثر واكثر
---
شوهد دكتور الميراث وبحوزته مجموعة من اوراق اختبار الفاينل وهو يصحح الاوراق في المكتبة المركزية !!
غلطااااااااااان دكتور الله يهديك
الطلبة بروحهم نفسيتهم زفت خصوصا سنة ثالثة الى مومترقعين هالمرة يايب الاوراق وبتصلح جدامهم
وقال انه صلح اربعين ورقة في اربعة بس ماخذين امتياز وفي ناس ساقطين لووول
---
بالنسبة للميراث
اذكر بسنة ثالثة
شائت الاقدار الجميلة اني اروح امريكا بنص الكورس الاول تقريبا
كنت رايح برحلة عمل لمدة عشرة أيام
علشان مؤتمر كويتي في امريكا وبالتحديد في نيويورك المدينة التي لاتنام =)
شائت الاقدار اني اسكن في مانهاتن الى كللللللش مافيها سووووق ابدا ولا فيه اماكن سياحية ابدا ابدا
طبعا المشكلة كانت انه صورنا كانت تنزل بالجريدة حق المؤتمر وانا كنت خايف الدكاترة يشوفون الصور لول ويبلشون طنازة خصوصا في دكاترة تعليقاتهم ماترحم لول
المهم كان يوم ردتي من السفر اليمعة والسبت كان عندنا امتحان ميراث
وانا كنت راقع المادة بالطووووووفة لول
المهم ماخذ الكتاب وياي
طبعا مثل ما قلت مانهاتن مافيها سوق بس فيها شارع واحد الى اهوا الفيف افنيو فيه محلات يمكن اطول من الدائرة الخامس
يعني تدخل كارتير تطلع منه تدخل ال في ويمهم بربري الأصلي من نفس الى نص الى بالديرة يلبسونه لول
وبما اني كنت ماخذ نص كروت البنك الى ابيتنا
فكان الوضع سوق في سوق
المشكلة لول اني ادش كارتير بمنهاتن وبيدي كتاب الميراث
كنت اعاني والى معاي كلش ما اطنزوا علي
المهم وبطريج الردة الرحلة 14 ساعة متواصلة لول وانا ادرس واكتب وحالتي حالة
وصلت الديرة بالليل جان اسلم على اهلي وااوزع الهدايا وارد البطايق والكروت الى صفررررررتها
ونمت وراح علي الامتحان ثاني يوم:s
صج كانت مادة لن تتكرر بتاريخي الدراسي
طبعا داوود الباز ماقصر فيني اول مارجعت لول
------
-
بليز كافي تحلطم
والله الحياة حلوة والكلية حلوة والدراسة احلى والدرجات بتكون احلى ان شاء الله
تفائلوا بالخير تجدوه
ومثل ماقلنا قبل سووو الى عليك والباجي على رب العالمين
والواحد يعود نفسه على هالجم يوم وويونس روحه فيهم
ويستانس لانه الدنيا والله ماتستاهل ولا اكو شي بالدنيا يستاهل انك تكدر خاطرك عليه
وانت تتحكم بالحياة مو الحياة تتحكم فيك
--
-
مثلا حق امتحان البحري
اسمع بحري ومراويسسسس واغاني الغوص لول وركز على فرقة التلفزيون
وادرس بنظارة سباحة
واكل زبيدي وهامور وربيان
لول عيش الجو علشان تقزر الامتحان
والتجاري
اسمع الاخبار الاقتصادية كل يوم
--
لول
ابتسم للحياة تبتسم لك
تحلطم تحلطم وحدك = )
--
لاتقاطعونا
بتعليقاتكم
ورفعوا من معنويات اخوانكم = )
هناك 102 من التعليقات:
الحمدلله على سلامتك مؤخرا
بدعت بـ هالبلوق لووول
تسلم إيدك ^_^
موفق انشالله
والله يوفق خواتي واخواني الحقوقيين :)
.
.
دكاترة ثانية ماصلحو شي ؟
مايابو طاري الدرجات ؟
الله يستر لوول :)
.
.
مشكور بعد مرة ..
السلام عليكم
الصراحه لو انا بدالك أشوف السوق وين اذكر عندي امتحان والا بيدي كتاب يمكن حتى انسى اني بالحقوق بس صج عفيه عليك.
انا عندي سؤال وجييييييه جدا اتهقون الدكاترة يدخلون عالبلوق ويقرون احنا اشنكتب؟
عشان انعرف اشلون انبدع
الصراحه أحلى شي بفترة الامتحانات
هالبلوق العجييييب
تسلم ايدك الصراحه ما قصرت
وايد رفعت من معنوياتنا وضحكتنا
وخففت عنا حدة التوتر والقلق
الله يونسك ويريحك بالدنيا والآخره
والله يوفقك وتتخرج بأعلى الدرجات
ان شاء الله
يعطيييك ألف عافيه اخوي
=(
إي واللـــه هانت ما بقى شي .. =S
بس 4 امتحانات .. =(
اللــه كريم إن شاء الله ..
موفقين ..
ويعطيك ألف عافية ويزاك الله خيـــر ..
الله يوفقكم ..
متى بتنزل درجات سنه ثانيه ؟؟
لا والله انا رايي اني لو كنت مسافرة بالعكس حدي راح اكون مرتاحة واقعد احوس الصبح بالسوق وارد انام وعقب اقوم ادرس ميراث اول العكس لان الدراسة شي اساسي وانا جد اخاف لي كان اكو امتحان حتى لو ما احفظ عالاقل اقرى هذا مبدأيي لانه ساعات القراءه علماشي تفيد استثناء من الأصل العام =)
موفقين وبشارة انه اكو امتياز بميراث بس كلش مو بشارة السقوط انشالله اكون مع الامتياز انشاااااالله .. موفقين خواني وخواتي
shloon ya3nee saq6een eb meerath ?
ma ga6 sema3na a7ad saqa6 eb mwad sharee3a
isaweeha o esaqe6na ?
la7oool !
en7aty shno wala shno !!!
elsalam , mashalah khosh blog o wayed rfa3 ma3naweyaatna bs wala ga3da a7aty eldarajaat meta tanzel?? o kl mada bro7 wela ma3a ba3aath kelhom ?
ana sana ola fa matadron meta tanzel darajatna ?
لا كل مادة تنزل بروح ، بس غالبا ما ينزلون اول مادة وساعات ثاني مادة بآخر يوم امتحانات ، و هالسنة تأجلو الامتحانات فيمكن قبل ... و مو شرط ينزلون بالترتيب ساعات المواد الاخيرة تنزل قبل .... و اللـه يسهل انشالله و انكون كلنا يايبين درجات زينة ، قولوا آميــــــــــن ...
السلام عليكم ورحمة الله
أمانه سنه ثالثة ورابعه يوم كنتو بثانيه عطوكم بونص بالفاينل واشلون كانت درجاتكم عموما؟
حدي قاعد احاتي الدرجات لأني وايد مهببه وأخاف علبن احنا شطار يخفسون فينا ويتنيحسون علينا والله ترى احنا صج شطار بس وايد قراده
ياليت جذي ينزل عليهم الوحي ويقولون طلبة الحقوق كللللللكم زيادة 50 درجة نظير تعبكم المتواصل وااي ياليته صج:(
السلااااام علييييكم =)
تدوينة عجيبة صراحةً . بوركت أخينا بوجسوم =)
أتمنى لكم كل توفيق و نجاح و ننتظر البشارات الطيبة ان شاء الله =)
أختك : نبراس >> منتديات الهندسة ؛)
اللي تسأل عن سنة ثانية إذا كانوا زادونه اقولها اي زادونه بمالية عطونه بونس عجيييييييببس اخفسوا فينه بدولي وجزاء يعنوا سووها عقد معاوضة ياخذ ويعطي (بما انه عندي عقود لازم اذكر شي منه اللي اهوا عقد المعاوضة ) هيهيهيهيهيهي
باتشر دولي....
ادعوا لناالله يوفقنا :)
محتاجين دعواتكم
صباح الخير . . .
يعطيك العافية على هل البلوق ، كل ما حسّبت بخنقة ييت قريت .. أشوف الناس تتذمر معاي أرتاح < احم .
باجر دولي - أو اليوم بالأصح و باقي لي للحين 50 صفحة . .
مصيبتي العظمى بهل الكلية إني لو أدرس شهر كامل و قبل الامتحان بساعتين ما أراجع الكتاب كله ما أحل و لا شي < الغلط في هل المخ ( bored )
+
متشفقة على العطلة بشكل كبييييييييير ، عمري ما نطرتها هل الكثر ، صج أحس إنّ إنكرفنا هل الشهر إلّي بعده ما خلص !!!! . . .
الله يسهل و يعطينا على قد تعبنا و أكثر . .
+ ثانكس مرة ثانية ;)
اي والله حتى انا اذا ما راجعت قبل الامتحان جني مو دارسه والا صارلي قرن مجابلة الكتاب وترى هذي مشكلة وايد صعبة علينا احنا اللي فينه هالطبع انا احب الللي يقولون لا احنا ما نراجع عشان معلوماتنا ما تتخربط بس انا لا اذا ما راجعت اعد نفسي ساااااقطة والعياذ بالله من السقوط الله لا يقوله .. باجر عقوووووووود الله يستر ويوفق سنة ثالثة وسنة ثانية موفقين ان شاءالله بدولي بس جد الله يعينكم .. .. قاعدة اطالع فلم رعب بدال ما اراجع بس لاني مليت من المراجعة جد جد براجع عال 4 وشكلي اليوم ماراح انام وبروح الامتحان مواصلة اهئ اهئ اهئ
صباح الخير .. قاعده اراجع عقووووود خلصت عقد الايجار والحين ببدي بعقد البيع اراجعه حده قثيث ما احبه الايجار يونس اونس من البيع .. الله يسها علينا انشالله ويوفقنا كلنا
..
..
موفقين سنة ثالثة بعقود مدنية
موفقين سنة ثانية بدولي
وييييييييه شنو الله يسها لا لا الله يسهل يسهل يسهل يسهل يسهل يسهل يسهل علينا انشالله يسهل يسهل يسهل يسهل علينا شنو هالغلطة اللي غلطتها قوية مو وقته كلش هالدعوة =(
اسفه حدي
السلام عليكم ... ها شسويتوا بعقود ؟؟ انا مو قاهرني الا على ( الايجار في ملك الغير ) ليش ما حطو البيع في ملك الغير عالاقل في كلام نكتبه .... بس بغيت اسألكم شنو حل القسم الاول مال عقد البيع ؟؟
اليوم امتحان دولي كان وااااايد سهل مشكوووووووووووووووووووور دكتور ثقل العجمي ما قصرت يعطيك العافية على شرحك المتميز بالمحاضرة وصج كلامك صح يوم قلت تذكروا كلامي بامتحان الفاينل لانكم ماراح تنصدمون من الامتحان وصج كلامك صح والله وانشالله نبيض ويهك ونييب اعلى الدرجات وتعبك معانا ما يضيع
يا جماعة سؤال صريح ليش البنات يحبون دكتور فيصل الفهد ويمدحونه وايد هل اهو صج طيب وزين مثل ما يقولون؟عشان ناخذ عنده بالمستقبل انشالله ياشباب الي ماخذ عنده ياليت لو يفيدنا ويزاكم الله خير وانا ماسمعت عنه الا كل خير والشهاده لله مبين عليه ضمير واخلاق بس حبيت اتاكد اكثر من الشباب عشان ما انصدم
أنا ما خذيت عنده و تحسفت وايد لأن شرحه ممتاز... و بدليل طلبته جاوبو وايد أحسن منا، نصيحه لا تاخذ عند غيره و الله تحسف :)
بالعكس امتحان دولي اليوم صراحة القضيه والقضايا كلها عموما صعبه ماعرفت احلهم يمكن عشان دكتورنا علي النامي مو شارح لنا بالمره قضايا جذي ولا مدربنا عليهم عكس دكتور ثقل طلبته وايد يمدحون شرحه ووايد يعطيهم قضايا:(
انا بسنة ثالثة وكنت السنة اللي طافت ماخذه عند دكتور فيصل الفهد ماكان يعرف يشرح والا فاهم شيقول اصلا كان حافظ شي و يسمعه حقنا لان كانت اول سنة يدرس فيها .. بس يمكن هالسنة تدارك الخطأ وصار يشرح بذمة بضمير وقام يدرب الطلبة على القضايا والحل .. واهوا بصراحة كدكتور وايد اخلاقه عالية ونشهدله بهالشي .. والله يوفقه انشالله ..
بالنسبة حق دولي اهيا المادة وايد حلوة وانا احب قانون دولي اختصاصي دولي صراحة وكنت بسنة اولى ماخذه حقوق انسان عند د.ثقل صراحه هالدكتور اكثر من روعة بالشرح والتعامل مع الطلبة وايد وايد كنت احب محاضرته وامتحاناته مباشرة ومو صعبة بس يبيلا تركيز شوي .. موفقين سنة ثانية
بالنسبة حق امتحان عقود اليوم كان سهل وما توقعناه جذي بالمرة بس القضية الاولى فيها trikat بس والله باجي الامتحان وايد مباشر وسهل والله يوفق الجمييييع
سوري طولت عليكم =)
بالنسبة حق اللي يسأل\تسأل عن حل القضية الاولى بعقود نقول انا كل واحد حال شي ومحد يدري شنو الحل الصح الا الدكتور اللي حاط السؤال .. فلازم نسأل الدكتور
السلام عليكم
اللي سأل عن دكتور فيصل نصيييييييحه أخذو عنده خوش دكتور يعطي بونص وكله يعطينا قضايا واهو اللي يحطها دايما بالامتحان ووايد محترم وما عنده حجي زايد وهذا أهم شي .
صج الله يوفق هالدكتور
لول بميراث بي 4 امتياز و في ناس صاقطين هههههههههههههه
اذا بميراث المادة السهلة جذي امبدعين عينا . عيل اشلون مع المواد القلجة مثل مرافعات و جزاء خاص ؟؟؟
على الدنيا السلام =)
يامعود ترا والله انقثيت من خبر درجات ميراث .
ترا والله انقثيت و سكت فيني الدنيا
v_v !!!!!
خبر ميراث يضيق الخلق
قواكم الله يالحقوقين و الحقوقيات و ان شاءالله مايضيع تعبنا لان صج صج تعبانا زين اذا فينا حيل نوصل لاخر امتحان @@
بالنسبه لامتحان دولي كان حده روعة و ما اقول الا الله يعطيك الف عافية يادكتور ثقل العجمي ياليت كل الدكاترة بمستوى شرحك ....
ونصيحة حق سنة اولى اخذوا عند هالدكاترة و ماراح تندمون ان شاء الله : د ثقل العجمي , د محمد العتيبي , د فيصل الفهد , د مشاري العيفان
موفقين ان شاء الله
هااي حقوووق ...
امتحان الدولي كان سهل نوعا ما , بس صج انه الي كان ماخذ عند د.علي النامي ماراح يفهم شي لأنه ما علمنا اشلون انحل هالمسائل , بخصوص الأخ الي يسأل عن د.فيصل الفهد وليش الشباب ما ياخذوون عنده , انا أقولك ليش ؟
لأنه د.فيصل الفهد توه يديد عالمادة فلازم نظام وترتيب وكل وااحد وحقه وو ماكو بونس ومن هالحركاات , أما العموم ماخذ عند العووود د.إبراهيم الحمود لأنه يعرفونه انه ما يعتبر بدرجات امتحانات الميدترم , فآخر السنة ايي ويحط أعمال السنة على كيفه (على المصلحة) فيكون في نصيب كبير حق الشباب الي اتعرف امقطعين الدراسة :P ,
أخوووي نصييحتي السنو الياية أخذ عند الحمووود وانت امغمض .
لأ اللي ياخذ عند الحمود راح يتوهق بالفاينل عدل واهوا اصلا مو ضامن انه ياخذ درجة زينة بعمال السنة .. اخذ عند د. فيصل احسن
امبي اشفيكم .. صارت السالفة مخامط ، عالعموم بكل الحالات ما في غيرهم يدرسون هالمادة ، فالحمد لله انهم زينين بوجهة نظر كل شخص ، بس انا الصراحة خذيت عند د. فيصل الفهد واايد دكتور زين و محترم و يعطي بونس ، و كان يسوي لنا مراجعة و يعلمنا اشلون انحل القضايا ، و اول شي كنت مو فاهمة القضاياو اشلون تنحل ، بعدين ضحكت من زود ماهي سهلة ، و اللي قال ان الحمود يعطي الدرجات حق الشباب اللي ما يدرسون ، فهذا دليل على عدم شطارة واهمال الشباب ( ما اقصدهم كلهم ) و بس يبون ياخذون الدرجات بأسهل طريقة و بدون دراسة ....
السلام عليكم ورحمه الله وبركاته....
صباحكم .. خـــير
مسـاكم .. توفيق
باذنه تعـالى
شكر خاص للقائمين على هالبلوك ..
ماتتصور (يا صاحب البلوك) اشكثر صار يهمنا ندخل عليه ونقرا تعليقاتك ومواضيعك المتنوعة وتعليقات الطلبة والطالبات وابداعاتهم....
انا شخصيا بعد كل امتحان اشبك خصيصا عشان هل بلوك وللتواصل مع اخواني واخواتي الطلبة....
وإلي يضيق خلقي تحلطم الزايد من الطلبة (الطلبة والطالبات) ياجماعة الدنيا تساهيل وكلوها على الله والله كل هالامتحانات باجر بتصير من الذكريات وان شاء الله من احلى الذكريات ...
... وتغمضون عين وتفجون عين ولا انتو متخرخين باذنه تعالى ...
بالنسبة لامتحان عقود ترى كان في الرينج المعقول باستثناء القضية الاولى ...
.....مع تمنياتي للجميع بالتفوق ....
>>> نــــــــداء عــــــاجــــل<<<
لسنة ثــــــانية
يا شباب و يا بنات شنو المحذوف في جزاء لاني صج مو مستوعب ان كل دكتور له كتاب و كل دكتور حاذف عن طلبته شي غير الشعب الثانية ...
بسرعه ترا ماكو وقت اخاف ادرس شي و بعدين يطلع محذوف و اتوهق !!!
و جزاكم الله خير و ان شاء الله يطلع الامتحان ســــــــــهـــــــل ,,
حمدالله امتحان عقود كان زين بس أول قضية لك عليها شوي . و اخر سؤال بالامتحان انا مت عليه من الضحك
شكو اييبولينا ايجار ملك الغير لول بيع مللك الغير اهو الي في حجي . على العموم انا حليته نفس بيع ملك الغير بس غير الكلمات من بائع و مشتري لي مؤجر و مستاجر لولولولولول
أنا عند د.بوزبر... العقوبات كلها مو معانا ما عداالتدبير الاحترازي ، مبادئ العقوبة(شرعية،شخصية...) ضمانات الإعدام و تعريف الغرامة و بس
الباجي كلا مو معانا يعني حتى التقادم مو معانا... بليز اللي ماخذ عند الدكاترةالباجين يقولنا شنو معاهم
واااااااااااااي اداري سخيييف ما احبه مليق يعل عالقلب الله يعينه على المتحان والله في احد يدرس 4 نوتات وين صارت هذي يعني ..
الله يعينه
اي و اللــه ، انا احس ان بدال فيلم ( اربع بنات و ضابط ) صار حالنا بالاداري ( أربع نوتات و طالب )
داري اقث مادة بالدنيا ما احبها مليقة مع انها الشي الوحيد اللي ينفعنا بعدين لما نشتغل .. بس هم وييييع واي ما احبها مليقة
بخصوص جزاء انا عند د . مبارك النويبت حاذف لنا العقوبة كلها ما عدا العقوبات الاصلية معانا...
و بعد حذف لنا الجريمة المستحيلة,,,
وين باقي الشعب شنو محذوف عنكم بعد
بخصوص جزاء انا عند د . مبارك النويبت حاذف لنا العقوبة كلها ما عدا العقوبات الاصلية معانا...
و بعد حذف لنا الجريمة المستحيلة,,,
وين باقي الشعب شنو محذوف عنكم بعد
رفيجتي عند د. فاضل مو حاذف لهم و لا شي من العقوبات :( مساكين عندهم مذكرة شكبرها....
لا تدرس رفيجتج كل المذكرة ، خل اتشوف شنو المواضيع اللي حاذفينها الدكاترة الباجي حق طلبتهم و لا تدرسهم .. ترى على اختلاف الكتب و المذكرات بس المواضيع تقريبا وحدة ، و الامتحان موحد فمو معقولة اييبون مواضيع الدكاترة الباجي حاذفينهم ..
بداية تحيه اكبيره حق بوجسووم الخرييج يعطييك العافيه هونت علينا ضغط الامتحانات الي ما اتهووون
اجراءاااات اليوم فلم فلم اكشن سسبنس وحركات ومخدات يا وااد يا انتا يالي حاط قضيه حشا ماليه مو اجراءات طبعا لا اشووف ويوه الجماعه انا خطر ما ادش بلي يمي بشووف الكل متوهق كلا ابكوووم والحلويين الي لي نص الامتحان عبالهم الامتحان صفحتيين وانا اقول العتيبي اشفي احن ما الوومكم انا يمكن خمسيين مره طيحت اورقة الاجابع وثلاثين الفلم من كثر ما الوييووم مو نايماااا
لي عوده بإذن الله
y36ekoom el3afia bs b`3et a3aref shno elm6loob 7g osool fogh plzZz
اليوم إجراءات أبوا الأفلام
بطولة رشدي أباضه و حسن حسني و الشاطر حسن
والله أتمنى أني أعدي و فتك من هل كليه
تكفووووووون بتــــــــــــخرج
أنا لين س 12 كان باقيلي القضيه و سؤال مقالي القضيه طبعا خذت مني ساعه و المقالي 10 دقايق عطونا شوط إضافي طبعا كلى تأليف من عندي ألفت قانون يديد و طبعا لاتشوفون شكثر شخبطة على الورقه والله من كثر ما شخبطة أخاف ما يقرون الإجابات :/
أصول فقه الدكتور منزل ورقه بالتصوير عن المقرر و المطلوب
هانت مابقا شي ونخلص
بس أنا عنجي إني عطلت من خلصت إجراءات
انا منقهرة حدي عيد ميلادي وقاعده ادرس شنو هذا ملاقه حدااااااااااا
هلو
بسأل سؤال بليز بدون ضحك P:
شنو المقرر في علم اجرام من العقوبات بليييييييز لأني مادري شنو ادرس شنو اخلي
S:
لووووول . اشوه في سنه اولى هني .. مو اخاف اتحجى و يضحكون علي ..
المقرر بعلم العقاب ..
من ص 195 الى 208
من ص 247 الى 283
من ص 289 الى 292
من ص 332 الى ص 343
من ص 404 الى 406
وبسسسسسسسسسس .. وااي متى ايي يوم 7-6 و نفتك و نعطللللللل .. =(
ما أقول إلا مرحبًا بالتكميلي ... :/ *
* أتكلم عن نفسي لا تخترعون p:
لول
thank u fa9la xD
امتحان جزاء حدا حدا سهل...
صج شكر حق كل دكاترة الجزاء :)
أول امتحان أطلع مستانسة....
صح ، امتحان جزاء كان سهل ، . . .
بس ما قدمت زين ، أفكاري مو مرتبة ، د.فاضل ما امتحنا إلا بـ 120 صفحة ، و كتابه بدون خلاف مو مرتب كلش ! . . .
ما كنت متأملة خير فيه ، و لا متأملة خير في تصليحهم : /
+
مافي حل يجبر الدكاترة على توحيد الكتابة ؟
الله كريم ، و يوفّق الجميع .
الكتاب *
الحمدالله جزاء كان من اسهل الامتحانات اللي مرت علينا
د. النامي الله يسامحه وهقنا بالقضايا قالنا نلتزم بالكتاي و القضايا كله من ملاحظات ثقل و احنا كليناها
عمركم شفتوا سؤال من المحذوف!
اي صارت بأحوال شخصية
اي حمدوا ربكم الي مو عند ثقل ان ما ياكم سؤال عن حق المرور البرئ جان رحتوا فيها واتحدى احد مو عنده يحله لان هالسؤال فيه تعديل والي كان مكتوب بالكتاب كله غلط واعتقد باجي الدكاترة ما صلحوه للطلبة ماعدا ثقل يعطيه الف عافية وبالنسبة لاحوال اذا تقصد سؤال المادة القانونية الي بالصح والغلط هذي مطلوبة لان بورقة المحذوف مكتوب ان مقدار الخلع محذوف ماعدا نص المادة القانونية مطلوب بس يمكن ما شفتها والاكثرية طافت عليهم وشفتهم يسئلون عنها بالامتحان ومحتجين
هاي لكل ال حقوقيين
شلونكم بعد هالاقزامت اللي الله يستر منها.
حده ضايق خلقي اخذت بجزاء صفر بواحد من الاسئلة الله يهدي الدكاترة ويخفون ايدهم واهما يصلحون ورقتي.
بسالكم بليز شنو المحذوف بنظم سياسية؟
ترا المحذوف من مادة حقوق انسان بس 6 صفحات لا ومطشرين بعد. واللي معانا 285 صفحه
يالله همن 6 صفحات يونسون نقدر نجفسهم ونستانس. ولا نكتب فوقهم ملغي بخط كبير
قنوعه (:
السلام عليكم ...
امتحان جزاء كان واااايد سهل الحمدلله
الله يعطيهم العافية د.محمد بوزبر و د.مشاري العيفان ماقصروا معانا ...
وانشالله دكاترة جزاء مايقصروا بحقنا بالتصحيح ...
موفقين انشالله ...
مــتحدونيه 2006
حسافة لو احنا ممتحننين التزامات شان باجي لنا بس الاختياري :(
معالي كل تأخيرة و فيها خيرة
صح أبي اسأل نسيت
مادة حقوق انسان التواريخ فيها مهمه؟
دكتورنا لاحظت انه يركز على التواريخ واهوا يشرح ويقول عن بعظهم حفظ
بس بالفاينل وايد مانقدر نحفظهم كلهم ما ندرس تاريخ احنا
بس بأعمال السنه قالنا عن بعظهم مهمين
ترا مادة حقوق انسان غثيثه وممله وسخيفه ومليقه ومالها سالفه وتنوم.
بس دكتورنا (عبدالسلام العنزي) إينن أحسن دكتور وبالدرجات والتصليح عجيب ومحترم ماراح أطوف اخذ عنده بالسنين اليايه ان شاالله
لحد يطوفه والله أحسن دكتور درسني هالسنه.
حتن كان عندنا بنات كاتبين اساميهم بالكشف اللي يمر علينا مال الغياب واهما مو حاظرين كاتبينلهم.
الدكتور جكهم بس بعدين سامحهم وعادي مانقصهم ولا شي والله طيب الدكتور حده.
نقوله يقلل كمية الامتحان ويقللها.
ونقوله مانبي محاظره اليوم بنقعد ندرس ومايعطينا محاظره.
بس ماكان يعتذر وايد والمحاظره الساعه 1 :((((
والمحاظره كانت لي 1 و50 كان يقعدنا لي 2 :((((
بس همن اخذو عنده وايد زين اينن والله ماراح تتحسفون
وبدرجات أعمال السنه النهائيه زايد الكل وزايد وايد.
مو نفس بعظ الدكاتره مثل ياسر الصيرفي حتى نص مايزيدون.
شلونكم عساكم بخير ؟
شمسوين مع الامتحانات ولويتها
انشالله كل شي تمام ؟ :)
.
.
اليوم امتحان جزاء يهبل
أحسن امتحان قدمناه ليلحين ولله الحمد
وانشالله يارب يتساهلون بالتصحيح
.
.
بس لحظة ..
التقادم مو محذوف ؟
ليش رازين السؤال بالورقة لوول
حرام عليه 10 درجات لو يايبيين سؤال ثاني جان أحسن ..
بس الحمدلله المقالي كان وايد حلوو
كل الشكر لـ د.بوزبر و د.العيفان
كفيتوا ووفيتوا :)
.
.
يالله هانت
مابقى شي
نظم والتزامات ونفتك !
حدي ولهانة عالعطلة ، جد محتاجتها لووول :)
شدوا حيلكم وموفقين يارب ..
ادعولنا طلبة اداري 2 باجر امتحانه بليييييييز نبي دعواتكم معانا
ادعولنا طلبة اداري 2 باجر امتحانه بليييييييز نبي دعواتكم معانا
لو سمحتو الي ماخذين بيئة عند دكتور شاهين اشلون طريقة امتحاناته الي طافت وفبها قضايا والا لا ؟ وماقالكم اذا بالفاينل اذا بييب قضايا لان احنا عند ندى ولا مرة يابت قضية بالامتحان وراح نتوهق اذا دكتور شاهين معطيكم قضايا؟؟؟؟؟؟؟؟؟؟؟؟؟
السلام عليكم
يالله متى انخلص امتحانات لاعت جبدي :(
شدوو حيلكم ياجماعة والله يوفقنا يارب
الحمدالله مابقالنا الا امتحان واحد:p
عاد الله يستر من الدراجات....
بنوته حقوقيه .. دراجات ولا قواري لوووول املق ..
المهم اللي تتحطلم على د.ياسر الصيرفي .. والله حده عجيب و عطانا كلنا بونس و ماحاسبنا على 7 غيابات واقل .. حده ماقصر .. !
هاااااااي ومشكورين على هالموقع الذي نبث << متعوب عليها ههه .. فيهـ همومنا ..وهالبلوق حدهـ عجيب اذا بحري اغاني الغوص ههههه بس ترى صج هالحالة تعيش بالمادة الى درجة ان مخكـ يتبرمج عليها وحتى اهتماماتكـ اذكر العام دستوري مااطوف اخبار المجلس ولا مالية صرت اقرا الصفحة الاقتصادية من بعد ماكانت مجرد زيادة عدد للجريدهـ ههههه بس انا هالسنهـ دشيت الامتحانات وحالتي حالهـ مرهـ مجاهدهـ وهذا بالتزامات وباحوال دشيت انتحاريهـ كنت مو مخلصهـ الكميهـ اما الجزاء والعقاب واللي كان فعلا دراستة عقاب فدشيت مستسلمهـ للامر الواقع ههههههه عاد تبون الصج الاعتراف بالحق فضيلهـ انا اللي كنت مقصرهـ هههه بس الله يستر :)
اداري بعد ساعتين وانا لاعت جبدي من المراجعة استهتار مو طبيعي
واي الله يعينه ويسهل علينه
الله كريم ويوفق الجميع
دعواتكم معانه
Fa9laa لوووووووول لا اسكوتر !! :d
و لا تدرين اشلون سيكل أحسن لووول>> ملاقة
عاد وانتي انشوفين بدلياتي طوفيلي.. آنا بنوته مو اي وحدة لوووول
الي عندهم امتحان اليوم الله يوفقكم و يسرلكم الامتحان و شدوو حيلكم..لا تنسون تقوولون الأدعية قبل الامتحان و بعد الامتحان :)
قوة للكل ..
هانت وربي هانت يالله كلها أيام تنعد عالاصابع وبعدها هيااااااااا عطلة
تحية كبيرة حق دفعتي 2006 هانت خلاص لا تريحون عالايام الاخيرة خلوكم قدها حق التزامات ..
الله يوفق الكل .. لنا عودة
هااي
بنات شنو المحذوف بنظم سياسية؟ ترى الباز مامنه فايده خافس فينا بالدرجات ومو راضي يعيد المحذوف يقول اللي منتبهه من الكورس الاول بتعرف المحذوف مصدق ان منتبهين من اول السنه مو جنه توه طالعلنا قلب ندرس.
فبليز جاوبوني
مرحبا للجميع ...
لو سمحتوا شنو مواضيع القراءة في مادة بترول ؟؟؟
الحمدالله اليوم افتكينا من كل المواد الصعبه ومابقى شي ونفتك من سنه ثالثه وبلاويها:)
امانه شرايكم بامتحان اليوم؟؟ كل ما اقول حق احد انه زين يعصبون علي..
السلام عليكم جميعا
الحمدلله امتحان جزاء صج وايد سهل بس حدي متحسفه اول سؤال بصح وخطأ حليته غلط مالت علي ما دققت والا جان حليته صح عاد عليها 3 درجات وايد :(
يله عاد خنشد حيلنا ببترول والتزامات الله يعديهم على خير
من كثر ما حن عالعطله شكله بيصير فيني شي قبل لا عطل
سؤال . . :/
مثل ما أتذكر إن آخر يوم امتحانات طلعت الدرجات ، بس إن متى أكون عارفة كل درجاتي ؟ و متطمنة على نفسي :/
~ وصلت حدّي !
اليوم امتحان اداري كان زين وبمستوى الطالب ومو واااااايد صعب ..
انا معاج واقول الامتحان كان زين واللي دارس عدل كان راح يعرف يحل لانه القضايا كانت استنتاجات يعني ارد اقول اللي دارسه عدل ومركزه تعرف تحل
والله يوفق الجميع انشالله
من صجكم؟
اداري صصصصصصصعب حيل حيل حيل
( الي عند د. الباز يعرفون يحلون لان ماعطيهم كل شي ، احنه عند الفارسي كله محذف لنا :|وخلانا ننصعق )
انا شكلي هالسنه 3 مواد بييب فيهم كيكه وبهف شمعتهم خخخخخخخخخخ،
مرافعات - جزاء - اداري ;'(
شقونا شق والله العظيم ، ليش جذي ؟والله ما سويت لهم شي :'(
تــــــــحياتي لشباب وبنات الحقوق
مابي اكون وايد تقليدي وان الامتحان الفلاني صعب والامتحان هذاك مادري شفيه..
بس صج الله يعينا.. ليش يسوون فينا جذي؟؟؟؟
ترى مبالغين
موفقيين انشالله
السلام عليكم
صباحكم .. خيـر
مسـاكم .. توفيق
امتحان اداري 2 كنت اتوقع ان راح يكون اصعب من جذيه بس الحمدلله صج ان القضية كانت ابداع .... بس ان شاء الله نعوض بالاسئله الثانية...
تعليق بسيطك ... ياجماعه لا تقولون متى نفتك من هالكلية ..وشفيهم حاطين علينا.. وملينا .. وهلسوالف
ترى كليتنا من احسن الكليات ومانرضى عليها .. ولا تاخذون المواضيع بشخصية ..بعدين احنا في كلية الحقوق "الحقــــوق"
مو اي كلية ومن قبل لاندخلها عندنا خلفيه عنها انها صعبه وكتبها بالكيلووو...
ومن طلب العلا درس بالكيلووو
اقصد سهر الليالي....
....تمنياتي بالتوفيق للجميع.....
السلااااام عليكم جميعااا
نبي دعواتكم لنا حق إلتزامااات
مع اني ما جربت ثالثة ورابعه بس بقول:
ثانيه أصعب سنه بالحقوق!!! ):
وموفقين جميعا إنشالله
للي يروح ثالثة راح يكره عمره
واي ثالثة صعبة جد جد جد موادها سهلة بس الكميات خيالية والدكاترة احلى بعد والله يعينكم اللي بتروحون ثالثة والله
موفقين اجمعيين
صباح الخير ،،
بليز اللي متأكد من المحذوف بـ نظم يعطينا خبر
سألت 5 بنات وكل وحدة تقولي شي :/
مارسيت على بر ليلحين :/
.
.
وعلى فكرة ،،
الباز قايل إن ( الحكومة) بيي فيها سؤال مقالي
و(الدولة) بيي فيها موضوعي ( صح وغلط )
.
.
موفقين جميعا :)
يعطييييكم العااافيه ..
بس أبي أسال عن امتحان جنائي دولي
يقولون فيه أسأله معينه راح اتيي بالامتحان
واحنا صراحه متوهقين مانعرف الأساله ،، الي يعرف شي عنها ياليييت يساعدنا
لا ماقال شي معين..
انا حاظره ليه اخر محاظره،
بس البنات اسالوه عن التواريخ وقال حفظوا التواريخ البارزه اقصد اللي فيها احداث مشهوره ( الحرب العالميه ..... والمعاهدات اللي الكويت مشاركه فيها)
موفقين سنه ثالثه:)
وترى كمية جنائي حدها شوي بس 200 صفحه
:)
بترول (الأوبك و الأوابك) مليقيين...
ليش التفاصيل؟؟؟؟
بنات يقولون بس أدرس الأسئلة اللي بمذكرة الامتحانات لأن زغلول ماييب غيرهم بس أحاتي :(
وصل ( المحذووف )وصل
يبته لكم من د. الباز دايركت ;)
بسم الله ..
إليكم المحذوف ((( بـنـظـم ))) :
المقدمة مو معانا من 5-10
من الاقليم 27-34
من 46-49
من نص 59 نظريات التطور - 67
من 72-73
من نص 78 الدولةالموحدة - 81 نصها اتحادات الدول معانا
من نص 105 الاتحاد - 110
من نص 118 "مشروعية ..." - 120
من نص 171 -173
من نص 211 رقم4 - 213
من 223 - الـ6 اسطر الاولى من 224
من 227 هيئة الناخبين - 242
من 255 - 264
من 278 انواع الاحزاب - 302
من 306 فقرة الجماعات - 390 = نهاية الكتاب
.
.
تم بحمد الله
تسلم إيدي لوول :)
شدوا حيلكم وموفقين يارب
:)
وفقين طلبة سنة ثالثة وخاصة اللي عندهم منظمات دولية ترى المادة حدها تيين وسهلة انا قطيتلي 100 صفحة اليوم ب 7 ساعات ..
موفقين اخواني وخواتي ..
وفقين = موفقين
amby bas wee3 mota neftak mn hal koliya el 5aysa ... off bas la3at echbodna we7na nadres .
bas ba3ad mako 6a8a , walla el-dekatra ma9ow 6a8atna ma9 . ma 3ad fyna 7el .
wallla dekatrat jaza2 w moraf3at 7adhom ba6en chabdy el-9olam .
walla ana 7a8da 3alehom leh yom el-den ;<
I hate my college ;D
7e808 fails !!!
i hate 7e808 =P
مرة مسيحي سألني سؤال و كانت ذاك الوقت حزت الكرسمس . قالي شنو ودك اتحصل هدايا في كرسمس ؟ و شنو امنيتك ؟
قلت له انت قول أول ... قال ودي أحصل بلاس ستايش3 و موبايل و الخ من الاشياء المادية ..
بعدين قالي .انت شنو ودك اتحصل ؟
قلته الحمدالله عندي كل شي أب و مابي ولا هدية . أتمنى شي واحد بس اهوا ((( ان santa ايي الكويت و قط قنبلتين نووية .. وحدة على راس وزيرة التربية و القنبلة الثانية على كليتي ))
جد انا كرهت هالكلية الزفت الي ما وراها الا التعب و الشقا و ياريت انحصل على النتيجة . أخر شي اتحصل على معدل اقل من الي انت تستحقه و تشوف ناس ثانين زايدينهم على 4 درجات أو اكثر مادري على شنو !! ليش يعطنوهم زياده عن قهم و احنا ينوكل حقنا ؟؟
ما اقول الى مالت على القائمين بهالكلية . ترا كليتنا كان ابمكانها تكون كلية حلوة و شيقة لكن نظام الزفت ز الدكاترة الأزف يخلون الواحد يتكلم جذي . ماعدا انا ماودي اسب .
بس و الله انقهرت وايد و تعبت وايد و صحتي تعبت . انا اول مرة اتصير فيني أمراض بسبب هالكلية .
جد مالت عليكم . هالكلية مو كفو التعب و المرض . لأن ماكو نتيجة .
ياجماعة اشسالفتكم !!؟؟
ليش جذي قالبين على الكلية و لايعة جبودكم..؟؟
صج انه الدراسة شوي تعب بس عاد مو لهدرجة!! حرام عليكم خليتوهاا لوعة و سب .. تفائلوا بالخير تجدوه:)
بعدين هذي كلية حقوق مو قاعدين تدرسون تجاري:)
كلية الحقوق = الدراسة و مجايل الكتب
كل واحد فيكم داخل كلية الحقوق عن رغبة و قناعة و ما اتوقع في احد ينغصب على مكان اهو ما يحبة.. ومتستقبل الحقوق يخلي الواحد يدرس و يجابل الكتب :)
و الله يوفق كل طالب و طالبة بكلية الحقوق... و إن شاء الله انشوف الكل بأعلى المناصب
تحياتي للجميع :بنوته^-^حقوقية
منوا ماخذ عند د.عيسى العنزي؟؟
شلون شرحه؟ منوا أحسن أهوا ولا د.ثقل العجمي؟؟؟
ناس يبون ياخذون حقوق انسان
انا كنت ماخذة عند دكتور ثقل في سنة أولى . انا انصح الناس انه ياخذون عنده .
دكتور محترم و بالنهاية حسبلنا درجة اعمال السنة بالطريقة التي ترفع من درجاتنا . بس ترا اهو كان وايد حريص على مسألة الحضور و الغياب و التأخير .
بس والله انه خوش دكتور و كان وايد محترم .وخلاني اصير من الطلبة المتميزين عنده بالكلاس لأنه كان اسلوبه وايد يشجعنا على ابداء أرائنا و كان دايما يحترم ارائنا.
دكتور ثقل العجمي من أفضل الدكاترة اللي خذيت عندهم ..
أسلوبه راقي وشرحه رااااائع ومتميز ..
يحب الطلبة اللي يشاركون معاه ..
وما قصر ويانا بالدر جات ..
بس يهمه الحضور والغياب ..
انا كنت ماخذة عند دكتور ثقل في سنة أولى . انا انصح الناس انه ياخذون عنده .
دكتور محترم و بالنهاية حسبلنا درجة اعمال السنة بالطريقة التي ترفع من درجاتنا . بس ترا اهو كان وايد حريص على مسألة الحضور و الغياب و التأخير .
بس والله انه خوش دكتور و كان وايد محترم .وخلاني اصير من الطلبة المتميزين عنده بالكلاس لأنه كان اسلوبه وايد يشجعنا على ابداء أرائنا و كان دايما يحترم ارائنا.
مساء الخير للكل :
بس حبيت اقول بسكم سب بكلية الحقوق ترى ما نرضى عليها هذي كليتنا الغاليه و الله انها احلى كلية بالكويت اذا مو بالعالم اكيد بتقولون هذي حدها متفائلة صج ان كليتنا تعب و يبيلها شغل طول السنة بس هذا نظامنا واحنا الي اخترناها من بين الكليات و عارفين انها كلية جدية مو لعب مثل الكليات الثانية والي يدخل كلية الحقوق لازم يكون قدها والا يحترم نفسه و يدخل كلية ثانية تناسب قدراته .....
انا كنت ماخذة عند دكتور ثقل في سنة أولى . انا انصح الناس انه ياخذون عنده .
دكتور محترم و بالنهاية حسبلنا درجة اعمال السنة بالطريقة التي ترفع من درجاتنا . بس ترا اهو كان وايد حريص على مسألة الحضور و الغياب و التأخير .
بس والله انه خوش دكتور و كان وايد محترم .وخلاني اصير من الطلبة المتميزين عنده بالكلاس لأنه كان اسلوبه وايد يشجعنا على ابداء أرائنا و كان دايما يحترم ارائنا.
هيةةةةةةةةةةةةةةةة!!!!! ^_________^
باجر اخر امتحان و اهو اختياري !!!
وناســــــــــــــــــــــة بخلص ^__^
بس انشالله ما اعيد ولا مادة لول بس بفتك من هالمواد مابي اعيدهم P:
الله يستر يمكن باجر ينزلون درجات الفاينل حق مرافعات أو جراء.... الله يستر ;(
ليش ما عندج تشريعات ويلا مو مسجلتها؟
المهم بعد 3 ساعات امتحانه منظمات ادعولنا كلنا بالتوفيق والله يوفق الجميع انشالله
السلام عليكم ..... بصراحه وايد اخفسو فينا و خاصه احنا سنه ثالثه لييييييييش يعني احنا شنو امسويلكم يعني و الله حرام عليكم راعونا و راعو الضغط الي احنا كنا فيه و كفايه المواد الوايد الي من كثرها تنسى المواد و اساميها الله يعينا و انشاء الله السنه اليايه نتخرج و نفتك
إرسال تعليق